საქართველო-ევროკავშირის საპარლამენტო თანამშრომლობის კომიტეტის სხდომას თინა ხიდაშელი გახსნის

შაბათი, 23 თებერვალი, 2013 - 20:36

ბრიუსელში ევროკავშირი-საქართველოს საპარლამენტო თანამშრომლობის კომიტეტის XIV სხდომას, რომელიც 25-26 თებერვალს გაიმართება, საქართველოს პარლამენტის დელეგაცია თინათინ ხიდაშელი ხელმძღვანელობით დაესწრება. ვიზიტის ფარგლებში საქართველოს პარლამენტის დელეგაცია სამუშაო შეხვედრებს გამართავს ევროპარლამენტის პოლიტიკურ ჯგუფებთან.

საპარლამენტო კომიტეტის სხდომას თანათავმჯდომარის სტატუსით გახსნის თინათინ ხიდაშელი და ევროპარლამენტის მხრიდან მილან საბრნოხი. საქართველოს მთავრობას სხდომაზე წარმოადგენს იუსტიციის მინისტრის მოადგილე გოჩა ლორთქიფანიძე. სხდომის დასასრულს კი ევროკავშირ-საქართველოს საპარლამენტო თანამშრომლობის კომიტეტის წევრები რეკომენდაციებს მიიღებენ, მსგავს დოკუმენტს უკვე ტრადიციულად ყოველი შეხვედრის შემდგომ აქვეყნებს კომიტეტი.

ევროკავშირი-საქართველოს საპარლამენტო თანამშრომლობის კომიტეტი 1999 წელს შეიქმნა. კომიტეტი მიღებული შეთანხმებების შესრულების საპარლამენტო კონტროლს ახორციელებს და მოქმედებს როგორც საერთო ინტერესებზე სადისკუსიო ღია ფორუმი. საპარლამენტო თანამშრომლობის კომიტეტის წევრები ევროკავშირი-საქართველოს თანამშრომლობის საბჭოსა და კომიტეტის მიერ მიღებულ გადაწყვეტილებებს იხილავენ. მათ საკუთარი მოსაზრებების გამოხატვა რეკომენდაციებში შეუძლიათ, რომელთა ადრესატები არიან: თანამშრომლობის საბჭო, პარტნიორი ქვეყნების მაღალჩინოსნები, ევროკომისია და ევროკავშირის საბჭო. ევროკავშირი-საქართველოს საპარლამენტო თანამშრომლობის კომიტეტის მე-14 სხდომაზე საქართველოს პარლამენტის დელეგაციის წევრები არიან: უმრავლესობიდან: დელეგაციის ხელმძღვანელი თინათინ ხიდაშელი, გიორგი ვოლსკი და ვიქტორ დოლიძე, საპარლამენტო უმცირესობას კი გიორგი კანდელაკი და გიორგი ვაშაძე წარმოადგენენ.

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5