მე ერთ კვირაში ვტოვებ საქართველოს - სოსო რობაქიძე

პარასკევი, 22 თებერვალი, 2013 - 16:33

მე დღეს მივდივარ, ოჯახს დავემშვიდობე. ვაცხადებ, რომ ჩვენება პირველმა მე მივეცი და ია მეტრეველმა, ბუტას დედამ. ჩვენ, ჩვენს ჩვენებას არ ვცვლით. ამათი ლაპარაკით გამოდის, რომ ჩვენ ცრუ ჩვენება გვაქვს მიცემული, - ამის შესახებ განცხადება ბუტა რობაქიძის მამამ, სოსო რობაქიძემ "პრაიმტაიმის" პრესკლუბში გააკეთა.

მისი თქმით, კანონში პირდაპირ წერია რომ ჩვენების შეცვლაზე არის ციხე სამი წელი და რობაქიძე ითხოვს, ყველა ის პირი დააპატიმრონ, ვინც გამოძიებას ცრუ ჩვენება მისცა, ან შემდგომში შეცვალა და  ზურაბ მიქაძის, გურამ დონაძისა და მაიზერ ლიპარტელიანის დაკავებას ითხოვს.

როგორც რობაქიძემ განაცხადა, აღნიშნულმა პირებმა ჩვენებები შეცვალეს. რობაქიძე აცხადებს, რომ მასაც და მის მეუღლესაც აქვს მიცემული ჩვენებები და ის მოითხოვს, რომ გამოძიებამ დაადგინოს, თუ რომელი მხარე ცრუობს ჩვენების მიცემის დროს და დასაჯოს, წინაააღმდეგ შემთხვევაში ის აცხადებს, რომ საქართველოს დატოვებს.

შეგახსენებთ, რომ სოსო რობაქიძე 18:00 საათზე აღნიშნულ საქმესთან დაკავშირებით მთავარ პროკურორს, არჩილ კბილაშვილს შეხვდება.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.94
  • 3.27
  • 0.04
  • 0.68
  • 1.46