ირაკლი ალასანია ალიანსის შტაბ-ბინაში ავსტრალიელ და შვედ კოლეგებს შეხვდა

პარასკევი, 22 თებერვალი, 2013 - 14:14

საქართველოს თავდაცვის მინისტრი ირაკლი ალასანია ავსტრალიელ და შვედ კოლეგებს სტეფან სმიტსა და კარინ ენსტრომს შეხვდა. შეხვედრა ნატოს თავდაცვის მინისტერიალის ფარგლებში, ალიანსის შტაბ-ბინაში გაიმართა.

ავსტრალიის თავდაცვის უწყების ხელმძღვანელთან შეხვედრისას მხარეება ავღანეთის საერთაშორისო მისიის მნიშვნელობაზე ისაუბრეს და პოსტ-ISAF-ის პერიოდში ერთობლივი მოქმედებების საკითხები განიხილეს. საუბარი შეეხო ასევე, საქართველოსა და ავსტრალიის მხრიდან ავღანეთის ეროვნული უსაფრთხოების ძალების გაწვრთნის საკითხებსაც.

„აქცენტი გადატანილი გვაქვს ავღანური ძალების გაწვრთნაზე და მათთვის გამოცდილების გაზიარებაზე. ასევე საუბარია, რომ კონვენციური ძალების შემადგენლობა შემცირდეს და არაკონვენციური ძალების რაოდენობა გაიზარდოს. შეიძლება იყოს საუბარი, სპეციალურ ოპერატიულ ძალებთან ჩვენს თანამონაწილეობაზე“ - განაცხადა ირაკლი ალასანიამ.

საქართველოსა და შვედეთის თავდაცვის მინისტრებმა ნატოს ეგიდით მიმდინარე ISAF-ის საერთაშორისო მისიის მნიშვნელობა და ავღანეთში უსაფრთხოებაზე პასუხისმგებლობის ადგილობრივი ძალებისთვის გადაბარების საკითხები განიხილეს. საუბარი შეეხო ასევე, ავღანეთის უსაფრთხოების ძალებისთვის წვრთნისა და დახმარების საკითხებში საქართველოსა და შვედეთის ერთობლივად მონაწილეობას და პოსტ-ISAF-ის პერიოდში, ავღანეთის უსაფრთხოების ძალების მომზადების საკითხებს.

დღესვე, საქართველოს თავდაცვის მინისტრი ISAF-ში მონაწილე ნატოს არაწევრ ქვეყნებთან თავდაცვის მინისტრების დონეზე ჩრდილო-ატლანტიკური საბჭოს შეხვედრას დაესწრება.

 

 

მსგავსი სიახლეები

სოციალური ქსელი

ტყუპების შემდეგ კიდევ ერთი შვილი - ირინა სარიშვილის ემოციური პოსტი სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.07
  • 0.04
  • 0.68
  • 1.41