მსჯავრდებულებმა, რომლებიც უცხო ქვეყნის მოქალაქეები არიან, საპატიმროში შიმშილობა დაიწყეს

პარასკევი, 22 თებერვალი, 2013 - 13:35

უფლებადამცველ გიორგი თევზაძეს სასჯელ-აღსრულების #8  დაწესებულების  ადმინისტრაციამ  წერილი მიაწოდა,  სადაც  მოშიმშილე  უცხო  ქვეყნის  მოქალაქე  პატიმრების  მოთხოვნებზეა საუბარი,  რის გამოც  მათ  შიმშილობა  დაიწყეს. 

”გაცნობებთ, რომ მიმდინარე წლის 18 თებერვალს სასჯელაღსრულების დეპარტამენტის #8 პატიმრობის და დახურული ტიპის თავისუფლების აღკვეთის შერეული ტიპის დაწესებულებაში განთავსებულმა მსჯავრდებულებმა აჰმედი ბულბულმა, ჰოსსეინ შაჰადათმა, რაჰმან მეზანურმა, ფარვეზი მასუდმა, მია სიპანმა, რომელსაც მსჯავრი დაედოთ საქართველოს სსკ.-ის 181-ე მუხლის მეორე ნაწილის ”ა” პუნქტით, სსკ.-ის 144-ე მუხლის მე-2 ნაწილით, ”ა”, ”ი” და ”ვ” ქვეპუნქტებით, სასჯელის ზომად თოთოეულს განესაზღვრა თავისუფლების აღკვეთა 14 წლის ვადით, მიმართეს პროტესტის ფორმას და პირადი განცხადების საფუძველზე გამოაცხადეს შიმშილობა. მსჯავდადებულებთან გასაუბრების შემდეგ გაირკვა აღნიშნულის ზომას მიმართავენ იმ მიზნით, რომ სურთ შეხვედრა ამერიკის შეერთებული შტატების და ბრიტანეთის კონსულებთან, ასევე ტელეკომპანია ”მაესტროს” ჟურნალისტებთან, საქართველოს მთავარი პროკურორის წარმომადგენლებთან, მონიტორინგის ჯგუფის წარმომადგენელბთან, HUMAN RIGHTS LAWER წარმომადგენელთან”, -  წერილს ხელს აწერს #8 დაწესებულების დირექტორის მოვალეობის შემსრულებელი გიორგი ლაბუჩიძე.

აღნიშნულ წერილთან დაკავშირებით გიორგი თევზაძე მიუთითებს, რომ იგი, როგორც უკვე ყოფილი მონიტორინგის ჯგუფის წევრი, მოცემულ ეტაპზე მოკლებულია შესაძლებლობას, პირადად შეხვდეს და გაესაუბროს წერილში მითითებულ მსჯავრდებულებს. იგი მიმართავს წერილში დასახელებულ შესაბამის ადრესატებს,  მთავარ პროკურატურას განახორციელონ ოპერატიული და ადეკვატური რეაგირება წერილზე.

გიორგი თევზაძის განმარტებით, ეს ფაქტი კიდევ ერთხელ ადასტურებს, თუ რაოდენ მნიშვნელოვანია საზოგადოებრივი მონიტორინგის პროცესის განახლება უფლებადამცველების მონაწილეობით. ხოლო თავის მხრივ იგი, როგორც ადამიანის უფლებების დაცვის და პატიმართა სოციალური უზრუნველყოფის საერთაშორისო ორგანიზაციის ხელმძღვანელი, აღნიშნულ წერილს შემდგომი რეაგირებისთვის გადაუგზავნის მთავარ პროკურატურას.

 

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5