მიხეილ სააკაშვილის განცხადებით, მის ინტერესებში არ შედის ხალხის არჩეული მთავრობის დათხოვნა

ოთხშაბათი, 20 თებერვალი, 2013 - 18:50

საქართველოს პრეზიდენტის მიხეილ სააკაშვილი საკონსტიტუციო ცვლილებების შესახებ კომენტარს აკეთებს. მისი განცხადებით, მის ინტერესებში არ შედის იმ მთავრობის დათხოვნა, რომელიც ქართველმა ხალხმა ოქტომბირს არჩევნებში აირჩია.  ასევე მისი განცხადებით, მას არ გააჩნია არანაირი სურვილი გამოიყენოს ის უფლება, რაც საქართველოს კონსტიტუციით აქვს მინიჭებული.

"ჩემს ინტერესებში როგორც პრეზიდენტის, არის ქვეყანაში სტაბილურობა. ჩემს ინტერესებშია, რომ გასული წლის ოქტომბერში არჩეულ მთავრობას ჰქონდეს საშუალება იმუშაოს შეფერხებების გარეშე, განახორციელოს ის პროგრამები, რომელიც დაპირდა ქართველ ხალხს; ამის პარალელურად ქვეყანაში გაგრძლდეს დემოკრატიული პროცესი, გაძლიერდეს დემოკრატიული ინსტიტუტები, გაფართოვდეს და გაუმჯობესდეს პერსპექტივა თითოეული საქართველოს მოქალაქისთვის. ამიტომ ამ კუთხით ჩვენ არასოდეს არ გვქონია სურვილი, საქართველოს მთავრობისთვის პრობლემის შექმნის. მე თავიდანვე განვაცხადე და ვადასტურებ, რომ მიუხედავად საქართველოს კონსტიტუციით მინიჭებული უფლებებისა, მთავრობის დათხოვნის არანაირი სურვილი არ მაქვს", - განაცხადა სააკაშვილმა.

შეგახსენებთ, რომ საქართველოს პარლამენტის თავმჯდომარემ, დავით უსუფაშვილმა საპარლამენტო უმრავლესობასა და "ერთიან ნაციონალურ მოძრაობას" შორის საკონსტიტუციო ცვლილებებზე მოლაპარაკებებთან დაკავშირებით დღეს საგანგებო განცხადება გააკეთა.

 

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.84
  • 3.18
  • 0.04
  • 0.51
  • 1.44