დავით კირვალიძე ღვინისა და ალკოჰოლური სასმელების მწარმოებელი კომპანიების წარმომადგენლებს შეხვდა

ოთხშაბათი, 20 თებერვალი, 2013 - 17:18

სოფლის მეურნეობის მინისტრი დავით კირვალიძე და ღვინის ეროვნული სააგენტოს თავმჯდომარე ლევან დავითაშვილი ღვინისა და ალკოჰოლური სასმელების მწარმოებელ კომპანიებს შეხვდნენ. შეხვედრას ესწრებოდნენ პრემიერის სპეციალური წარმომადგენელი რუსეთთან ურთიერთობის საკითხებში ზურაბ აბაშიძე და "ასოციაცია ქართული ღვინის“ ხელმძღვანელი თინა კეზელი. შეხვედრაზე რუსულ ბაზარზე ქართული პროდუქციის დაბრუნებასთან დაკავშირებული საკითხები განიხილეს.

"ქართული დელეგაციის ვიზიტი იყო შედეგიანი და ძალიან მალე პოზიტიური ძვრებიც იქნება ამ მიმართულებით. დღეს მწარმოებლებთან შეხვედრა გაიმართა სწორედ იმიტომ, რომ გადავწყვიტოთ როგორ ვაგრძელებთ მუშაობას. დარწმუნებული ვარ რომ ქართულ ღვინოს, რომელიც გადის ევროკავშირის და აშშ-ს ბაზარზე, აკმაყოფილებს ხარისხის მათ სტანდარტებს, არ გაუჭირდება რუსულ ბაზარზე ღირსეული ადგილის დამკვიდრება. მართალია ეს ერთბაშად არ მოხდება, მაგრამ დარწმუნებული ვარ ყოველ მომდევნო წელს გაიზრდება რუსეთის ბაზარზე ქართული პროდუქციის რაოდენობა. რაც ყველაზე მნიშვნელოვანია, რუსულ ბაზარზე გასვლის ხარჯზე, არც ერთი კომპანია არ აპირებს უკვე ათვისებული ბაზრების დათმობას“, - განაცხადა დავით კირვალიძემ.

ლევან დავითაშვილმა კომპანიის წარმომადგენლებს დეტალურად გააცნო რუსეთში ქართული დელეგაციის ვიზიტის შედეგები. შეხვედრაზე განიხილეს სამოქმედო გეგმა, თუ როგორ უნდა განხორციელდეს ქართული პროდუქციის, კერძოდ კი ღვინისა და ალკოჰოლური სასმელების რუსულ ბაზარზე დაბრუნება.

"მაქსიმალურად შედეგიანი იყო ეს შეხვედრა. ბიზნესის წარმომადგენლებმა ძალიან დადებითად შეაფასეს მიღწეული შედეგები. ღვინის კომპანიებს დეტალური პროცედურები გავაცანით თუ როგორია შემდეგი ნაბიჯები რუსეთის ბაზარზე შესვლისთვის. საჭიროა, რომ კოორდინირებულად და ერთიანად მოხდეს პროდუქციის დაბრუნება. ამისთვის კომპანიებმა, ვისაც რუსულ ბაზარზე გასვლის სურვილი აქვს განაცხადები უნდა შემოიტანონ ღვინის ეროვნულ სააგენტოში. შემდეგ ეს სიები გადაეგზავნება რუსულ მხარეს და მოხდება კომპანიების დარეგისტრირება. ამის შემდგომ უკვე რუსი სპეციალისტები ჩამოვლენ საქართველოში და ადგილზე მოხდება საწარმოების ინსპექტირება. რუსული მხარე თანახმაა ინსპექტირებისთვის გამოყოს 3 ჯგუფი, რაც საშუალებას მოგვცემს მცირე დროში მოხდეს უფრო მეტი საწარმოს შემოწმება და ქართული ღვინის რუსეთის ბაზარზე დაბრუნება“, - განაცხადა ღვინის ეროვნული სააგენტოს ხელმძღვანელმა ლევან დავითაშვილმა.

 

მსგავსი სიახლეები

სოციალური ქსელი

ტყუპების შემდეგ კიდევ ერთი შვილი - ირინა სარიშვილის ემოციური პოსტი სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.07
  • 0.04
  • 0.68
  • 1.41