სასჯელაღსრულების სამინისტრო ამნისტირებულ პატიმართა სტატისტიკურ ანალიზს აქვეყნებს

ოთხშაბათი, 20 თებერვალი, 2013 - 18:03

საქართველოს სასჯელ-აღსრულების, პრობაციისა და იურიდიული დახმარების საკითხთა სამინისტრო პატიმრობისა და თავისუფლების აღკვეთის დაწესებულებებიდან ამნისტირებულ ბრალდებულთა/მსჯავრდებულთა 2013 წლის 8-14 თებერვლის პერიოდის სტატისტიკურ ანალიზს აქვეყნებს.

„ამნისტიის შესახებ“ საქართველოს კანონის თანახმად 2013 წლის 8 თებერვლიდან 14 თებერვლის ჩათვლით პერიოდში ამნისტირებულია პატიმრობისა და თავისუფლების აღკვეთის დაწესებულებებში განთავსებული 2 306 პირი (ბრალდებული/მსჯავრდებული). მათ შორის: დაწესებულებებიდან გათავისუფლდა - 844 ბრალდებული/მსჯავრდებული, საპატიმრო სასჯელი გაუნახევრდა - 135 მსჯავრდებულს, საპატიმრო სასჯელი შეუმცირდა - 1 327 მსჯავრდებულს.

ამნისტირებულ 2 306 ბრალდებულთა/მსჯავრდებულთა შორის 2 250 მამრობითი (არასრულწლოვანი - 13, სრულწლოვანი - 2 160, ხანდაზმული - 77) და 56 მდედრობითი (სრულწლოვანი - 55, ხანდაზმული - 1) სქესის იყო.

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.94
  • 3.27
  • 0.04
  • 0.68
  • 1.46