ფინანსთა მინისტრი ნავთობპროდუქტების იმპორტიორთა ასოციაციის წარმომადგენლებს შეხვდა

ოთხშაბათი, 20 თებერვალი, 2013 - 15:23

ფინანსთა მინისტრი ნოდარ ხადური ნავთობ-პროდუქტების იმპორტიორთა ასოციაციაში შემავალი კომპანიების: „ვისოლის,“ „გალფის,“ „სოკარის,“ „ლუკოილის,“ „რომპეტროლის“ წარმომადგენლებს შეხვდა. შეხვედრაზე აღნიშნული მიმართულებით არსებული მდგომარეობა და სამომავლო გეგმები განიხილეს .

„შევთანხმდით, რომ იქნება მუდმივი დიალოგი ნავთობიმპორტიორებთან, რათა არ დავუშვათ არსებული მდგომარეობის გაუარესება და მოსახლეობამ მიიღოს ხარისხიანი პროდუქცია იაფად. შეხვედრაზე ითქვა, რომ მნიშვნელოვანია დარგის განვითარება იმისთვის, რომ მეტი ადამიანი დასაქმდეს, ხელი შეეწყოს სხვა სექტორების, მათ შორის, სოფლის მეურნეობის განვითარებას,“ - განაცხადა ფინანსთა მინისტრმა.

შეხვედრაზე რამდენიმე, მათ შორის, ბუნებრივ დანაკარგებთან დაკავშირებული თემებზე გამახვილდა ყურადღება. აღინიშნა, რომ შეიქმნება სამუშაო ჯგუფები, რომლებიც აქტიურად იმუშავებენ იმისთვის, რათა დაცული იყოს ბიზნესინტერესები და არ შეიქმნას პრობლემები სახელმწიფოსა და ბიზნესის ურთიერთობისას.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.92
  • 3.28
  • 0.04
  • 0.67
  • 1.46