უმრავლესობა და უმცირესობა რიგ საკითხებზე შეთანხმდნენ

ოთხშაბათი, 20 თებერვალი, 2013 - 13:17

საკონსტიტუციო ცვლილებების საკითხთან დაკავშირებით, რიგ საკითხებზე უმრავლესობამ და უმცირესობამ შეთანხმებას მიაღწიეს. შეთანხმების თანახმად,  კონსტიტუციური ცვლილებისათვის საჭირო კვორუმი 2/3-დან 3/4-მდე გაიზარდა; ასევე,  საგარეო პოლიტიკური საკითხები კონსტიტუციაში იმ სახით და ფორმით ჩაიწეროს, რასაც უმცირესობა შესთავაზებს; პარლამენტის ადგილსამყოფელის თაობაზე ინიცირებული კონსტიტუციური ცვლილებისთვის კენჭისყრა წლის ბოლომდე გადაიდება;  კონსტიტუციის 2010 წლის მოდელის მხოლოდ ნაწილი ამოქმედდება ისე, რომ პრეზიდენტს ვადის ამოწურვამდე დარჩება გუბერნატორების დანიშვნის უფლება, ხოლო პრეზიდენტის ვეტოს დასაძლევად კვლავ კვალიფიციური უმრავლესობა იქნება საჭირო, პრეზიდენტის იმპიჩმენტის გართულებული პროცედურები უცვლელად დარჩება და სხვა.

უმრავლესობამ და უმცირესობამ გარკვეულ საკითხებზე შეთანხმებას მიაღწიეს, თუმცა უმცირესობის მიერ, ახალი მოთხოვნების წამოყენების გამო, პარლამენტის თავმჯდომარის განცხადებით, შეთანხმების რეალიზება ვერ ხერხდება.

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61