„რუსთავი 2“-თან საპროტესტო აქცია მიმდინარეობს

სამშაბათი, 19 თებერვალი, 2013 - 19:09

ტელეკომპანია „რუსთავი 2“-თან საპროტესტო აქცია მიმდინარეობს. აქცია დღეს, სოციალური ქსელის მეშვეობით მას შემდეგ დაიგეგმა, რაც ტელეკომპანიის 12-საათიან საინფორმაციო გამოშვებაში ბუტა რობაქიძის მკვლელობის კადრები გავიდა.

ტელევიზიის მიმდებარე ტერიტორიაზე ბუტა რობაქიძის მამა სოსო რობაქიზეც იმყოფება. ასევე, საპროტესტო აქციაში მონაწილეობენ "დემოკრატიული მოძრაობა - ერთიანი საქართველოს" და "სახალხო კრების" წარმომადგენლები, აგრეთვე ყოფილი პოლიტპატიმრები.

აქციაში მოანაწილე პირები ტელეკომპანიას ყოფილი მაღალჩინოსნების მიერ ჩადენილი დანაშაულების დაფარვაში, სიცრუისა და პროპადგანდის გავრცელებაში ადანაშაულებენ.

შეგახხსენებთ, რომ სამაუწყებლო კომპანია "რუსთავი-2" ბუტა რობაქიძის საქმესთან დაკავშირებით დღეს გავრცელებულ ვიდეომასალასთან დაკავშირებით განცხადება გაავრცელა. „ეს კადრები რობაქიძის საქმეზე ბრალდებულმა ირაკლი ფირცხალავამ დღეს პროკურატურასთან მყოფ ყველა ტელეკომპანიის ჟურნალისტებს გადასცა. დაუმონტაჟებელი მასალა ჩვენ `კურიერის` გამოშვების დაწყებამდე რამდენიმე წუთით ადრე მივიღეთ და ფაქტობრივად, პირდაპირი ეთერის რეჟიმში მოგვიხდა მისი ჩვენება, თუმცა ჩვენ შეგნებულად, ირაკლი ფირცხლავას მიერ გავრცელებული მასალის მხოლოდ ფრაგმენტი ვაჩვენეთ, სადაც განსაკუთრებულად მძიმე კადრები დაფარული იყო. მასალის გავრცელებამდე ჩვენ გავაკეთეთ განცხადება, თუმცა კიდევ ერთხელ გვსურს საზოგადოებას, განსაკუთრებით, ამირან რობაქიძის ოჯახს და მის ახლობლებს ბოდიში მოვუხადოთ ამ მძიმე კადრებისათვის. კიდევ ერთხელ განვმარტავთ, რომ გადაწყვეტილება ვიდეომასალის ეთერში გაშვების შესახებ, ამ კონკრეტული საქმისადმი საზოგადოების განსაკუთრებულად მაღალი ინტერესიდან გამომდინარე მივიღეთ,"- ნათქვამია განცხადებაში.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.54
  • 3.11
  • 3.52
  • 0.04
  • 0.67
  • 1.5