ძვირადღირებული, ელიტური ავტომანქანები ელექტრონული აუქციონის წესით გაიყიდება

სამშაბათი, 19 თებერვალი, 2013 - 13:08

შინაგან საქმეთა სამინისტროს გადაწყვეტილებით, ძვირადღირებული, ელიტური ავტომანქანები უწყების ბალანსიდან მოიხსნა და შემდგომი რეალიზაციის მიზნით ფინანსთა სამინისტროს მომსახურების სააგენტოს გადაეცა.

  ავტომანქანები ელექტრონული აუქციონის წესით გაიყიდება ვებ-გვერდზე www.eauction.ge. აუქციონის შედეგად შემოსული თანხები სახელმწიფო ბიუჯეტში გადაირიცხება.

ამ ეტაპზე გასხვისდება 50-მდე ძვირადღირებული ავტომანქანა, რომელიც შინაგან საქმეთა ახალი მინისტრის დანიშვნამდე იყო შეძენილი: „Range Rover"- ის, „Range Rover Sport"- ის, „Range Rover Vogue"- ის, „Mercedes S class", „ML", „BMW X6, X5, M5" და სხვა მარკის ავტომობილები.

დაინტერესებულ ფიზიკურ და იურიდიულ პირებს შეუძლიათ რეგისტრაცია გაიარონ და მონაწილეობა მიიღონ აუქციონში www.eauction.ge ვებ-გვერდის საშუალებით, ხოლო ავტომანქანების დათვალიერება და კონსულტაციის მიღება შესაძლებელი იქნება ხვალიდან, მისამართზე: მუხიანი, ბაზა N2, გაბაშვილის ქუჩა.

აუქციონთან დაკავშირებით, დამატებითი ინფორმაციის მიღება შესაძლებელია ფინანსთა სამინისტროს მომსახურების სააგენტოს ცხელ ხაზზე: 2 601 601

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46