ზაზა გაბუნია გიგი უგულავას კლანურ მმართველობაზე უარის თქმისკენ მოუწოდებს

სამშაბათი, 19 თებერვალი, 2013 - 12:29

თბილისის საკრებულოს ფრაქცია “ქართული ოცნება- დემოკრატიული საქართველოს” თავმჯდომარემ ზაზა გაბუნიამ საკრებულოში გამართულ პრესკონფერენციაზე თბილისის მერს გიგი უგულავას მიმართა და მოუწოდა, უარი თქვას კლანური  მართვის პრაქტიკაზე და ახალი გამგებლები საკრებულოსთან შეთანხმებით დანიშნოს.

ზაზა გაბუნიას ინფორმაციით, პირველი მარტიდან თბილისის ხუთ ახალ რაიონულ გამგეობას ახალი გამგებლები უხელმძღვანელებენ. თბილისის მერიამ კი ახალი გამგებლების კანდიდატურები საზოგადოებასთან და საკრებულოსთან შეთანხმების გარეშე შეარჩია, რაც ზაზა გაბუნიას თქმით, გიგი უგულავას მიერ საკრებულოს უპატივცემულობის და არადემოკრატიული მმართველობის პრაქტიკის გაგრძელებას ნიშნავს.

“მე საკრებულოს ოპოზიციური ფლანგის და საზოგადოების სახელით მოვუწოდებ გიგი უგულავას, მის მიერ შერჩეული კანდიდატურები საკრებულოს, როგორც თბილისელების მიერ არჩეულ წარმომადგენლობით ორგანოს წარუდგინოს და მათი დამტკიცება სწორედ საკრებულოსთან შეთანხმებით მოხდეს”, - განაცხადა ზაზა გაბუნიამ.

გაბუნიას თქმით, წინააღმდეგ შემთხვევაში, გიგი უგულავას ნაბიჯი შეფასდება როგორც კლანური მმართველობის პრაქტიკის გაგრძელება და მას როგორც დემოკრატიის მოთხოვნების უგულვებელმყოფს, არ ექნება არავითარი მორალური უფლება დემოკრატიული სტანდარტების გადმოსახედიდან ესაუბროს საზოგადოებას

 

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.44
  • 2.89
  • 3.29
  • 0.04
  • 0.53
  • 1.44