ირაკლი ალასანიამ „საქართველოს თავდაცვის სამინისტროს სამხედრო ჰოსპიტალის“ ახალი დირექტორი წარადგინა

ორშაბათი, 18 თებერვალი, 2013 - 17:04

თავდაცვის მინისტრმა ირაკლი ალასანიამ „საქართველოს თავდაცვის სამინისტროს სამხედრო ჰოსპიტალის“ ახალი დირექტორი, სამედიცინო სამსახურის კაპიტანი ირაკლი კურცხალია წარადგინა. „სიფრთხილით მოვეკიდეთ ჰოსპიტალში ხელმძღვანელობის შეცვლას. მრავალი კანდიდატურა განვიხილეთ და ბოლოს შევჯერდით ირაკლი კურცხალიაზე. მე დავავალე მას, რომ უახლოეს პერიოდში წარმომიდგინოს ის პრიორიტეტები, რაც სჭირდება გორის ჰოსპიტალს და ზოგადად სამხედრო ჰოსპიტალური სექტორის განვითარებას ჩვენს ქვეყანაში. ძალიან მადლიერი და კმაყოფილი ვარ ჰოსპიტალის კოლექტივის თავდადებისა და ადამიანთა ჯანმრთელობის მიდგომისთვის“, - განაცხადა ალასანიამ.

ირაკლი კურცხალია 1996-2005 წლებში ამავე ჰოსპიტალში მუშაობდა. პარალელურად, თბილისის სახელმწიფო სამედიცინო უნივერსიტეტში პედაგოგიურ საქმიანობასაც ეწეოდა. იყო სამხედრო სამედიცინო ფაკულტეტის, სამხედრო სამედიცინო და ექსტრემალური მედიცინის კლინიკური დისციპლინების კათედრის პროფესორი და სამხედრო საველე თერაპევტია.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.93
  • 3.3
  • 0.04
  • 0.68
  • 1.46