სოციალ-დემოკრატები ყრილობასთან დაკავშირებით განცხადებას ავრცელებენ

, 17 თებერვალი, 2013 - 15:52

პარტია "სოციალ-დემოკრატები საქართველოს განვითარებისთვის" "ქართული ოცნება - დემოკრატიული საქართველოს" ყრილობასთან დაკავშირებით  განცხადებას ავრცელებს, რომელსაც "ჯეონიუსი" უცვლელად გთავაზობთ:

"მივესალმებით "ქართული ოცნება - დემოკრატიული საქართველოს" ყრილობის გამართვას და ბატონ ბიძინა ივანიშვილის საპატიო თავმჯდომარედ არჩევას.  

ჩვენ პოლიტიკურ სივრცეში ყველაზე ახალგაზრდა პოლიტიკური ორგანიზაციის სახელი საქართველოს ბოლო წლების ისტორიის ყველაზე მნიშვნელოვან მოვლენას - ერთპარტიული მმართველობის დასრულებას და რეალური დემოკრატიისა და სოციალური სამართლიანობს საზოგადოების მშენებლობის დაწყებას უკავშირდება, რის გამოც მისი რეპუტაცია, ასაკთან შედარებით, განუზომლად მაღალია.

იმედია, იგი მომავალშიც ასევე წარმატებით გააგრძელებს საქმიანობას, მხოლოდ გაზრდის და გააღრმავებს ხალხის ნდობას და პატივისცემას და სხვა პროგრესულ პოლიტიკურ ძალებთან, საზოგადოებასთან თანამშრომლობის გზით წარმატებით გაართმევს თავს მისი, და ყველა ჩვენგანის წინაშე მდგარ გამოწვევებს.  

ჩვენი მხრივ ვაცხადებთ, რომ პარტიის მიერ დეკლარირებული კურსი დემოკრატიული და სოციალური სამართლიანობის ქვეყნის მშენელობისა განაპირობებს ჩვენ მზადყოფნას ამ პროცესში ინტენსიური კონსტრუქციული თანამშრომლობისათვის", - ნათქვამია განცხადებაში.

 

მსგავსი სიახლეები

სოციალური ქსელი

გამოკითხვა

ვალუტა

  • 2.7
  • 3.18
  • 3.57
  • 0.05
  • 0.7
  • 1.59