დღევანდელი ყრილობა კიდევ ერთი დასტურია იმისა, რომ საქართველოში შეუქცევადი პროცესები დაიწყო - ზაალ კასრელიშვილი

შაბათი, 16 თებერვალი, 2013 - 16:29

საზოგადოებრივი მოძრაობა "ქართული ოცნების" და პოლიტიკური გაერთაინების "ქართული ოცნება - დემოკრატიული საქართველოს" დამფუძნებელმა ზაალ კასრელიშვილიმა როგორც "ჯეონიუსს" განუცხადა, დღევანდელი ყრილობა  რიგგარეშე ყრილობაა და ამ ყრილობით კოალიცია "ქართულ ოცნება" დაადასტურებს იმას, რაც წინა საარჩევნოდ ჰქონდა განსაზღვრული.

"ეს რიგით ყრილობა არ არის, ეს არის ყრილობა, რომელმაც კიდევ ერთხელ უნდა დაადასტუროს ის პრიორიტეტები, რაც წინასაარჩევნოდ ჰქონდა "ქართულ ოცნებას" და კიდევ უფრო გაამყაროს თავისი როლი საზოგადოებაში, დღევანდელი ყრილობა კიდევ ერთი დასტურია იმისა, რომ საქართველოში შეუქცევადი პროცესები დაიწყო, როგორც საზოგადოებრივი, ისე პოლიტიკური, სოციალური და ეკონომიკური გარემოს გაჯანსაღებისათვის" , - განაცხადა კასრელიშვილმა.

შეგახსენებთ, რომ "ქართული ოცნება - დემოკრატიული საქართველომ" დღეს რიგგარეშე ყრილობა გამართა. ყრილობა ფილარმონიის დიდ საკონცერტო დარბაზში მიმდინარეობდა.

 

ნუგო სოტკილავა

მსგავსი სიახლეები

სოციალური ქსელი

გამოკითხვა

ვალუტა

  • 2.71
  • 3.18
  • 3.58
  • 0.05
  • 0.68
  • 1.59