შუალედური მომზადების ზამთრის კურსი ოფიციალურად დასრულდა

პარასკევი, 15 თებერვალი, 2013 - 20:22

შუალედური მომზადების ზამთრის კურსი დღეს ოფიციალურად დასრულდა. დახურვის საზეიმო ცერემონიალი საჩხერის სამთო მომზადების სკოლაში გაიმართა. ცერემონიას საქართველოს შეიარაღებული ძალების წვრთნებისა და სამხედრო განათლების სარდალი, ვიცე პოლკოვნიკი შალვა ბაჯელიძე, ნატოს სამხედრო მეკავშირე ოფიცერი, პოლკოვნიკი მაქსიმილიან ედერი, ასევე, საქართველოში აკრედიტებული უცხო ქვეყნის სამხედრო ატაშეები დაესწრნენ.

ცერემონიალის დასასრულს სწავლებაში მონაწილე ქართველმა, ასევე ნატოს წევრი და პარტნიორის ქვეყნების პოლონეთისა და უკრაინის სამხედრო მოსამსახურეებმა კურსის წარმატებით გავლის დამადასტურებელი სერთიფიკატები და სამკერდე ნიშნები მიიღეს.

„საჩხერის სამთო მომზადების სკოლა ქვეითთა სამთო მომზადების კუთხით უნიკალურია. ჩემთვის დიდი პატივია დავესწრო აღნიშნული კურსის გამოშვებას, რადგან ეს ძალიან კარგი პროგრამაა და არ არსებობს ბევრი სამხედრო ვისაც ამ კურსის გავლა წარმატებით შეუძლია“ - აღნიშნა ნატოს სამხედრო მეკავშირე ოფიცერმა, პოლკოვნიკმა მაქსიმილიან ედერმა.

ზამთრის კურსი 20 იანვარს დაიწყო და NATO-ს პარტნიორობა მშვიდობისათვის პროგრამის ფარგლებში (PFP) განხორციელდა. წვრთნები ორ ეტაპად დაიგეგმა. თავდაპირველად, კურსზე მივლინებული სამხედრო მოსამსახურეები, აბულის სამთო პოლიგონზე, რთული კლიმატური პირობების დროს, საშტატო იარაღებიდან სროლის უნარ-ჩვევებს დაეუფლნენ. მომდევნო ეტაპზე სამხედროებს სპეციალური სწავლებები გუდაურში ჩაუტარდათ. სამხედროებმა მაღალ მთაში გადაადგილების, დაზარალებულის ძებნა-გადარჩენის, ტექნიკური სრიალის სწავლებები შეისწავლეს. კურსის ფარგლებში, მათ, ასევე, თხილამურებით დაბრკოლებათა ზოლის გადალახვა და თოვლის თავშესაფრის ე.წ. ”იგლუს” მოწყობა განახორციელეს.

შუალედური სამთო მომზადების ზამთრის კურსზე მივლინებულ სამხედრო მოსამსახურეებს უკვე გავლილი აქვთ სამთო მომზადების საბაზისო ზამთრის კურსი.

 

მსგავსი სიახლეები

სოციალური ქსელი

უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე იმედია, არ დადასტურდება არაოფიციალური ინფორმაცია - ნანუკა ჟორჟოლიანი მთავრობას მიმართავს

გამოკითხვა

ვალუტა

  • 2.67
  • 3.15
  • 3.57
  • 0.05
  • 0.7
  • 1.57