სახალხო დამცველი ევროპის საბჭოს გენერალური მდივნის მოადგილეს შეხვდა

პარასკევი, 15 თებერვალი, 2013 - 17:34

საქართველოს სახალხო დამცველი უჩა ნანუაშვილი ევროპის საბჭოს გენერალური მდივნის მოადგილეს გაბრიელა ბატაინი დრაგონის და მის თანმხლებ პირებს შეხვდა. შეხვედრაზე საუბარი მომავალ თანამშრომლობას შეეხო. აღინიშნა, რომ ევროსაბჭო მოწადინებულია გააგრძელოს და კიდევ უფრო გააღრმავოს ურთიერთობა, რომელიც წლებია გრძელდება ევროსაბჭოსა და სახალხო დამცველის აპარატს შორის.

სახალხო დამცველმა სტუმარს აპარატის პრიორიტეტები გააცნო. აღნიშნა, რომ კვლავ აქტუალურია პრევენციის ეროვნული მექანიზმის მუშაობა და მისი გაძლიერების მიზნით, ჯგუფს სხვადასხვა დარგის ექსპერტები შეემატებიან.

ოფისი ასევე, გაააქტიურებს მუშაობას სოციალურ-ეკონომიკური უფლებებისა და შრომითი უფლებების დაცვის კუთხით. ევროპის საბჭოს გენერალური მდივნის მოადგილე დაინტერესდა სახალხო დამცველის აპარატში გენდერული თანასწორობის ცენტრის ამუშავებით. ქალბატონმა დრაგონმა მოიწონა რეგიონული წარმომადგენლობების გაძლიერების გეგმა, რაც ოფისის დეცენტრალიზაციას შეუწყობს ხელს.

შეხვედრაზე კონფლიქტურ რეგიონებში ადამიანის უფლებათა დაცვის საკითხებზე ისაუბრეს. ამ ეტაპზე, სახალხო დამცველი კონფლიქტური ტერიტორიების მოსაზღვრე ზუგდიდისა და გორის რაიონებში არსებულ მდგომარეობას სწავლობს. შემდგომში კი, აპირებს აქტიურად ჩაერთოს აფხაზეთთან და სამხრეთ ოსეთთან დიალოგის პროცესში.

აღსანიშნავია, რომ ევროსაბჭო 2008 წლიდან უწევს დახმარებას სახალხო დამცველის აპარატს დევნილთა უფლებების დაცვის მონიტორინგის საქმეში. ევროპის საბჭოს გენერალური მდივნის მოადგილემ განაცხადა, რომ დაინტერესებულია შემდგომი თანამშრომლობით, რათა კიდევ უფრო მეტი გაკეთდეს ამ მიმართულებით.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5