დაუშვებელია, დავკარგოთ ევროპულ სახლში შესვლის შესაძლებლობა და უფრო უსაფრთხო და დაცული მომავალი - მიხეილ სააკაშვილი

პარასკევი, 15 თებერვალი, 2013 - 11:14

საქართველოს პრეზიდენტის მიხეილ სააკაშვილის განცხადებით, დაუშვებელია, დავკარგოთ ევროპულ სახლში შესვლის შესაძლებლობა და უფრო უსაფრთხო და დაცული მომავალი.

პრეზიდენტი ევროკავშირთან ასოცირების ხელშეკრულებასთან დაკავშირებით ახალ მთავრობას მოუწოდებს, ერთად გამოასწორონ დაშვებული შეცდომები.

"ამ დღეებში თბილისში ჩამოსულია ევროპის პარლამენტის ყველაზე დიდი ჯგუფის - ევროპის სახალხო პარტიის დელეგაცია და ჩვენ ვნახეთ მათი განცხადება.

მათ შეუძლიათ ევროპარლამენტში ნებისმიერი გადაწყვეტილება დაბლოკონ და უკვე გამოაცხადეს კიდეც, რომ თუ ასე გაგრძელდა, საქართველო ვილნიუსის სამიტზე ე.ი წელს ევროკავშირთან ასოცირების ხელშეკრულებას ვერ მიიღებს.

ჩემი მთავრობა მთელი ამ წლების განმავლობაში ძალიან ინტენსიურად მუშაობდა ამ მიმართულებით და მიზანს მაქსიმალურად მივუახლოვდით კიდეც. 8 წლის წინათ საქართველო არც იყო ევროპის რუკაზე.

ამ 8 წლის ინტენსიური მუშაობის შედეგად, რეფორმების შედეგად, იმის შედეგად, რომ ევროკავშირმა საქართველო ევროპის ყველაზე ნაკლებად კორუმპირებულ და კრიმინალიზებულ ქვეყნად აღიარა, ნახა ის ბევრი წარმატება, რომელსაც ჩვენმა ქვეყანამ მიაღწია, უკვე წელს ვილნიუსში ასოცირებული წევრობის ხელშეკრულება უნდა გაგვეფრომებინა.

ამ ბოლო პერიოდში საქართველოს შიგნით განვითრებულმა მოვლენებმა, ამ განცხადების თანახმად, ყოველივე ეს დარტყმის ქვეშ დააყენა და იმის დანგრევა, რასაც ჩვენ ამ წლების განმავლობაში ვაშენებდით, ჩემთვის ძალიან მძიმეა.

არ შეიძლება ეს ვინმეს უხაროდეს იქმება ეს ოპოზიცია თუ მთავრობას.

ქვეყნისთვის ეს არის ძალიან მძიმე დარტყმა, რადგან თუკი ევროპა ასე გვკრავს ხელს, მაშინ ადვილი ლუკმა გავხდებით მხოლოდ ერთი მეზობლისთვის და ყველა ჩვენი დეკლარაცია აზრს დაკარგავს.

ამიტომ უნდა გამოვფხიზლდეთ და ეჭვქვეშ არ უნდა დავაყენოთ ამ პარტიის შესაძლებლობები. ეს არის პარტია, რომელსაც მართლაც შეუძლია დაბლოკოს ის, რასაც აქამდე მივაღწიეთ.

უნდა გამოვიღვიძოთ, მივხვდეთ, რომ ზოგიერთი რამ გამოსასწორებელია, დავსხდეთ ყველანი ერთად და გამოვასწოროთ.

არ შეიძლება ქვეყანას დღეს ისეთი საფრთხე შევუქმნათ, რომ ამ მატარებელმა ჩაიაროს, ხოლო შემდეგი მრავალი წლის განმავლობაში აღარ გამოჩნდეს. დაუშვებელია, რომ დავკარგოთ ევროპულ სახლში შესვლის შესაძლებლობა და ამასთან ერთად უფრო უსაფრთხო და დაცული მომავალი.

ამით მე, რა თქმა უნდა, შეშფოთებული ვარ.

მზად ვარ მთავრობას ამ თემებზე ველაპარაკო. ასე ხელაღებით, არავინ არ უნდა თქვას: დიდი ამბავიო... ასე არ შეიძლება.

ეს მართლაც დიდი და მართლაც ძალზე პრობლემური ამბავია და პოლიტიკური შეხედულებების მიუხედავად, ჩვენ ყველამ ერთად უნდა ვიმუშავოთ იმისთვის, რომ ამ ამბავს გაგრძელება არ მოყვეს, თორემ, საბოლოოდ, ისევ საქართველო წააგებს და ამით არც რომელიმე ჩვენგანი დარჩება მოგებული".

მსგავსი სიახლეები

სოციალური ქსელი

სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი ივანიშვილის გარეშე დიდხანს ვერ დარჩებიან ხელისუფლებაში, მაგრამ ბევრის გაფუჭებას მოასწრებენ - მამუკა გამყრელიძე

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.79
  • 3.07
  • 0.04
  • 0.68
  • 1.4