კულტურული ღონისძიებები ქართველებსა და აფხაზებს შორის სიყვარულის აღდგენას შეუწყობს ხელს

ხუთშაბათი, 14 თებერვალი, 2013 - 17:53

გუშინდელმა საღამომ ერთი ნაბიჯით დაგვაახლოვა იმ დიდ სიყვარულთან და ძმობასთან, რაც ჩვენ ოდითგანვე გვქონდა და რამაც ცხადყო, რომ ჩვენ ერთმანეთს ვერავითარი ძალა ვერ დაგვაშორებს, - განაცხადა "ჯეონიუსთან" საუბარში საქართველოს ახალგაზრდა შემოქმედთა კავშირის  ხელმძღვანელმა ლევან ჟვანიამ.

მისი თქმით, ღონისძიების მიზანი ქართველებსა და აფხაზებს შორის საუკუნოვანი ძმობისა და სიყვარულის აღდგენის კიდევ ერთი მცდელობაა,

"ვფიქრობ, რომ მსგავსი კულტურული ღონისძიებები ხელს შეუწყობს ქართველებსა და აფხაზებს შორის საუკუნოვანი ძმობისა და სიყვარულის აღდგენას, აფხაზეთი არის საქართველოს ისტორიული, ძირძველი კუთხე. იმედი მაქვს, რომ აფხაზეთი ისევ დაუბრუნდება თავის დედა-სამშობლოს - საქართველოს", - განაცხადა ლევან ჟვანიამ.

ახალგაზრდა შემოქმედთა კავშირის ხელმძღვანელის თქმით, მომავალში გეგმავენ მჭიდრო ურთიერთობების დამყარებას აფხაზ ახალგაზრდებთან და სხვადასხვა კულტურული ღონისძიებების ერთობლივად გამართვას, რისი სურვილიც, მისივე თქმით, აფხაზმა ახალგაზრდებმაც გამოთქვეს.

საქართველოს პარლამენტის ეროვნულ ბიბლიოთეკაში, ახალგაზრდა შემოქმედთა კავშირის ორგანიზებით, ქართულ-აფხაზური საღამო "ხმა მიაწვდინე" გაიმართა. ღონისძიებაში მონაწილეობა გალიდან ჩამოსულმა ახალგაზრდებმა, ასევე აფხაზეთსა და  საქართველოში მცხოვრებმა აფხაზებმაც მიიღეს.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.93
  • 3.3
  • 0.04
  • 0.68
  • 1.46