მადლობა ევროპას, რომ შეძლო დაენახებინა ჩვენთვის უკეთესი გზა - ბიძინა ივანიშვილი

ოთხშაბათი, 13 თებერვალი, 2013 - 19:19

საქართველოს პრემიერ-მინისტრმა ბიძინა ივანიშვილმა „აღმოსავლეთ პარტნიორობის“ არაფორმალური დიალოგის მონაწილეები მიიღო. მთავრობის კანცელარიაში გამართულ შეხვედრას ევროკომისარი გაფართოებისა და ევროპული  სამეზობლო პოლიტიკის  საკითხებში შტეფან ფულე, ევროკომისიის ვიცე-პრეზიდენტი, ევროკომისარი ტრანსპორტის საკითხებში სიიმ კალასი და „აღმოსავლეთ პარტნიორობის“ ინიციატივაში ჩართული ქვეყნების დელეგაციის ხელმძღვანელები ესწრებოდნენ.

 შეხვედრის მონაწილეებმა თბილისში გამართული არაფორმალური მინისტერიალის შედეგები შეაჯამეს, განიხილეს „აღმოსავლეთ პარტნიორობის“ ფარგლებში სხვადასხვა სფეროში თანამშრომლობის საკითხები, საქართველო-ევროკავშირის ურთიერთობაში არსებული პროგრესი და ამ მიმართულებით მიმდინარე წელს ქ.ვილნიუსში დაგეგმილი „აღმოსავლეთ პარტნიორობის“ სამიტისთვის მოსამზადებელი საკითხები.

შეხვედრაზე საქართველოს პრემიერ-მინისტრმა ხაზი გაუსვა „აღმოსავლეთ პარტნიორობის“ ინიციატივაში ჩართული ქვეყნებისთვის ევროკავშირთან ურთიერთობის გაღრმავებისა და ევროპული დემოკრატიული ფასეულობების გაზიარების მნიშვნელობას.

„აქ წარმოდგენილ ქვეყნებს კარგად ესმით, თუ სად არის რეალური ფასეულობები. ყველა ქვეყნის მოსახლეობა ისწრაფვის უკეთესობისკენ, მადლობა ევროპას, რომ შეძლო დაენახებინა ჩვენთვის უკეთესი გზა, საითკენაც სიამოვნებით მივისწრაფვით“- აღნიშნა ბიძინა ივანიშვილმა.

შეხვედრის დასასრულს პრემიერმა მადლობა გადაუხადა არაფორმალური მინისტერიალის მონაწილეებს საქართველოში სტუმრობისთვის.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.46
  • 3.06
  • 3.46
  • 0.04
  • 0.66
  • 1.45