მსჯავრდებულებს თავართქილაძის უნივერსიტეტში სწავლის უფლება მიეცათ

ოთხშაბათი, 13 თებერვალი, 2013 - 13:28

საქართველოს სასჯელ-აღსრულების, პრობაციისა და იურიდიული დახმარების საკითხთა სამინისტროსა და გურამ თავართქილაძის სასწავლო უნივერსიტეტს შორის დღეს ურთიერთთანამშრომლობის მემორანდუმი გაფორმდა. მემორანდუმის მიზანია საქართველოში მყოფ მსჯავრდებულებს მიეცეთ კონსტიტუციით გარანტირებული განათლების უფლება.

თანამშრომლობის საგანს მხარეების მიერ წინასწარ განსაზღვრული ფორმითა და მეთოდით მსჯავრდებული პირებისთვის განათლების მიღების უზუნველყოფა და ხელშეწყობა წარმოადგენს. უნივერსიტეტი სამინისტროს შესაბამის დახმარებას აღმოუჩენს სამართლებრივ, ფსიქოლოგიის, სოციოლოგიის და სხვა სფეროებში, ასევე უნივერსიტეტის სტუდენტებს შესაძლებლობა ექნებათ სასწავლო პრაქტიკული მომზადების კურსი სამინისტროში გაიარონ.

სწავლების კონკრეტულ მიმართულებებს, ფორმებსა და მეთოდებს მხარეები შეთანხმების გზით განსაზღვრავენ. უპირატესობა დისტანციური სწავლების მეთოდს ენიჭება.

არსებული შეთანხმების ფარგლებში უნივერსიტეტი სამინისტროსთან შეთანხმებით, სამინისტროს შესაბამის დაწესებულებებთან იურიდიულ კლინიკებს ქმნის.

სამინისტრო იღებს ვალდებულებას შექმნას ყველა აუცილებელი პირობა მემორანდუმით გათვალისწინებული პირობების განსახორციელებლად, კერძოდ, სამინისტრო უზრუნველჰყოფს სტუდენტების მიერ სასწავლო პრაქტიკის გავლის ორგანიზებას, შესაბამის სტრუქტურულ ერთეულებში ფაკულტეტის პროფესორთა გასვლითი ლექციების ჩატარებას, ასევე სათანადო ტექნიკური აღჭურვილობის არსებობის შემთხვევაში დისტანციურ სწავლებას.

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.54
  • 3
  • 3.41
  • 0.04
  • 0.66
  • 1.5