ელდარ შენგელაიას ნატო ვაჩნაძის უნიკალური წერილები გადასცეს

სამშაბათი, 12 თებერვალი, 2013 - 12:54

დღეს, შინაგან საქმეთა სამინისტროს არქივის შენობაში კინორეჟისორ ელდარ შენგელაიასთვის დედის, სახალხო არტისტ ნატო ვაჩნაძის უნიკალური წერილების ასლების გადაცემის ცერემონია გაიმართა.  ცერემონიას შსს – ს არქივის დირექტორი ომარ თუშურაშვილი და პოლიციის აკადემიის პრორექტორი ფრიდონ დიასამიძე დაესწრნენ.

ცნობილია, რომ ელდარ შენგელაია ნატო ვაჩნაძის მოღვაწეობის შესახებ გამოსაცემად წიგნს ამზადებს. შსს - ს არქივის ხელმძღვანელობამ გადაწყვიტა, რომ უნიკალური წერილები, რომელთაგან ერთ-ერთი ნატო ვაჩნაძემ ლავრენტი ბერიას მისწერა, ელდარ შენგელაიას წიგნში გამოსაქვეყნებლად გადასცეს. ეს წერილები აქამდე სრული სახით არასდროს გამოქვეყნებულა.

აღნიშნულ წერილებში, სახალხო არტისტი მის კარიერაში ხელოვნურად შექმნილ ბარიერებზე საუბრობს და ნიკოლოზ ბარათაშვილის შესახებ კინოფილმის გადაღების დაჩქარებას ითხოვს, სადაც მას ეკატერინე ჭავჭავაძის როლი უნდა შეესრულებინა; ნატო ვაჩნაძე წუხს, რომ სამი წლის განმავლობაში როლი არ ჰქონია, რაც დიდ უსამართლობად მიაჩნია.

წერილები რუსულ ენაზეა შედგენილი – ერთი ნაბეჭდია, მეორე კი – ხელნაწერი. პირველი – კინემატოგრაფიის საქმეთა კომიტეტის თავჯდომარე ივანე ბოლშაკოვისა და კინოსტუდიის დირექტორ ვლადიმერ მაჭავარიანის სახელზე, 1946წლის 1 თებერვალს არის გაგზავნილი.

აღსანიშნავია, რომ შინაგან საქმეთა სამინისტროს არქივში დაცულია 1946 წლით დათარიღებული საქმე,რომელშიც იმდროინდელი კულტურის მოღვაწეების მიერ საბჭოთა კავშირის ცენტრალურ კომიტეტში (ცეკაში) გაგზავნილი წერილებია.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.04
  • 3.45
  • 0.04
  • 0.65
  • 1.46