თენგიზ შერგელაშვილი ხვალ ოზურგეთის სამხარეო ადმინისტრაციაში შეხვედრას გამართავს

ორშაბათი, 11 თებერვალი, 2013 - 23:49

 საქართველოს რეგიონული განვითარებისა და ინფრასტრუქტურის მინისტრის პირველი მოადგილე თენგიზ შერგელაშვილი და სამინისტროს სხვა წარმომადგენლები ხვალ, 12 თებერვალს, 13:00 საათზე ოზურგეთის სამხარეო ადმინისტრაციაში შეხვედრას გამართავენ.

შეხვედრა რეგიონული განვითარების რეფორმის მხარდაჭერის ფარგლებში გაიმართება და მას გურიის გუბერნატორი, მხარეში შემავალი მუნიციპალიტეტების გამგებლები და საკრებულოს თავმჯდომარეები, აგრეთვე, საერთაშორისო ორგანიზაციების - UNDP-სა და GIZ-ის ადგილობრივი ექსპერტები დაესწრებიან.

შეხვედრაზე მთავარ თემად განიხილება საქართველოს მთვარობასა და ევროკავშირს შორის 2011 წლის 14 ნოემბერის დაფინანსების ხელშეკრულებით (საქართველოში რეგიონული განვითარების რეფორმის მხარდაჭერა) ქართული მხარის მიერ ნაკისრი ვალდებულებების შესრულების საკითხი.

აღნიშნულ საკითხთან დაკავშირებით შეხვედრები უკვე გაიმართა კახეთისა და ქვემო ქართლის სამხარეო ადმინისტრაციებში. ოზურგეთის შემდეგ ანალოგიური შეხვედრა ზუგდიდის სამხარეო ადმინისტრაციაში 13 თებერვალს, ხოლო ამბროლაურში 14 თებერვალსაა დაგეგმილი.

 

 

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61