ირაკლი ალასანია ვეტერანებს შეხვდა

პარასკევი, 08 თებერვალი, 2013 - 15:42

თავდაცვის სამინისტროს ინიციატივით, შრომის, ჯანმრთელობისა და სოციალური დაცვის სამინისტროში უწყებათაშორისი კომისია შეიქმნა, რომელიც განიხილავს, თუ როგორ სტრუქტურულ ქვედანაყოფად უნდა ჩამოყალიბდეს ვეტერანთა საქმეების დეპარტამენტი. კომისია ვეტერანთა სოციალური დაცვის მექანიზმებზე იმუშავებს.

"საქართველოს მთავრობის და თავდაცვის სამინიტროს ერთ-ერთი მთავარი და მნიშვნელოვანი პრიორიტეტია ღირსეული ცხოვრების პირობები და საშუალებები შეუქმნათ ჩვენს ვეტერანებს, იმ ადამიანებს, ვინც საკუთარი სიცოცხლე და ჯანმრთელობა შეწირა ჩვენს ქვეყანას. დღევანდელი შეხვედრაც სწორედ ჩვენი ვეტერანების ჩართვას ემსახურებოდა იმ პროცესში, რასაც ვეტერანთა პოლიტიკის შემუშავება ჰქვია" - ამის შესახებ განცხადება თავდაცვის მინისტრმა, ირაკლი ალასანიამ, დღეს თავდაცვის სამინისტროში, ვეტერანებთან შეხვედრისას განაცხადა.

ირაკლი ალასანიამ ვეტერანებს უფლებებისა და სოციალური დაცვის პაკეტის შესაქმენლად თავდაცვის უწყების მიმართულებები გააცნო. მინისტრმა ვეტერანებს სთხოვა ჩამოაყალიბონ წარმომადგენლობითი ჯგუფი, რომელიც უწყებათშორისი კომისიის მუშაობაში მიიღებს მონაწილეობას.

ვეტერანებთან დღევანდელ შეხვედრას თავდაცვის მინისტრის მოადგილეები, საქართველოს შეიარაღებული ძალების გაერთიანებული შტაბის უფროსი, პოლკოვნიკი ირაკლი ძნელაძე და მისი მოადგილეები ესწრებოდნენ.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.93
  • 3.3
  • 0.04
  • 0.68
  • 1.46