ბიძინა ივანიშვილი თსუ-ს 95 წლის იუბილეს ულოცავს

პარასკევი, 08 თებერვალი, 2013 - 14:08

საქართველოს პრემიერ-მინისტრი ბიძინა ივანიშვილი, ივანე ჯავახიშვილის სახელობის თბილისის სახელმწიფო უნივერსიტეტის პროფესურასა და სტუდენტებს უნივერსიტეტის 95 წლის იუბილეს ულოცავს. ამის შესახებ ივანიშვილის პრეს-სამსახური იუწყება. “8 თებერვალს დავით აღმაშენებლის ხსენების დღე და თბილისის ივანე ჯავახიშვილის სახელობის სახელმწიფო უნივერსიტეტის დაარსების დღე აღინიშნება, იმ საგანმანათლებლო კერისა, რომელმაც ქართულ ტრადიციებზე დაფუძნებულ ევროპული ტიპის უმაღლეს სასწავლებელს ჩაუყარა საფუძველი. მსოფლიო დონის მეცნიერების მიერ დაარსებულმა ამ სკოლამ არაერთი თაობა გაზარდა და ბევრი სახელგანთქმული მეცნიერი და საზოგადო მოღვაწე შემატა ქვეყანას. ყოველთვის, ყველა თაობისთვის საამაყო იყო უნივერსიტეტის სტუდენტობა, მის კედლებში ცოდნის მიღება. მეც ერთ-ერთი მათგანი ვარ და არა ერთხელ გამომიხატავს ჩემი პატივისცემა და თანადგომა საქართველოს პირველი უნივერსიტეტის მიმართ. ვულოცავ უნივერსიტეტს, მის პროფესურას, სტუდენტობას უნივერსიტეტის დაარსებიდან 95–ე წლისთავს და ვუსურვებ, უფრო ფართო ასპარეზზე გაეთქვას სახელი, როგორც დემოკრატიული და თავისუფალი ქვეყნის საგანმანათლებლო კერას", - ნათქვამია ბიძინა ივანიშვილის მილოცვაში.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46