პრეზიდენტი ყოველწლიურ ანგარიშს აღარ წარადგენს

ხუთშაბათი, 07 თებერვალი, 2013 - 14:54

საქართველოს პრეზიდენტი, მიხეილ სააკაშვილი ხვალ პარლამენტში ყოველწლიურ ანგარიშს აღარ წარადგენს. გადაწყვეტილება ამის შესახებ საპარლამენტო უმრავლესობამ მიიღო. როგორც უმრავლესობის ლიდერმა, დავით უსუფაშვილმა აღნიშნა უმცირესობა და მათი ლიდერი მზად არ არის ამისთვის. უსუფაშვილის თქმით, უმრავლესობას სურს, პარლამენტში პრეზიდენტის გამოსვლა შედგეს, თუმცა ეს როდის მოხდება, ჯერ უცნობია.

უმრავლესობა პრეზიდენტის მოსმენის გადადების მიზეზად გუშინდელ დებატებს ასახელებს და ამბობს, რომ უმცირესობა დებატებისთვის მზად არ იყო. უმცირესობის ერთ-ერთი ლიდერის, დავით ბაქრაძის განცხადებით კი უმრავლესობაც და პრეზიდენტიც დებატებისთვის მზად არიან.

შეგახსენებთ, რომ მოქმედი კანონმდებლობით პარლამენტი, როგორც წესი, საგაზაფხულო სესიის პლენარული სხდომების პირველ დღეს, საქართველოს კონსტიტუციის შესაბამისად ისმენს საქართველოს პრეზიდენტის ყოველწლიურ მოხსენებას.

საქართველოს პრეზიდენტის ანგარიშის წარდგენა პარლამენტში, ხვალ 14:00 საათზე იყო დაგეგმილი.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.93
  • 3.28
  • 0.04
  • 0.68
  • 1.46