ბუტა რობაქიძის საქმე გახსნილად უახლოეს დროში გამოცხადდება - არჩილ კბილაშვილი

ოთხშაბათი, 06 თებერვალი, 2013 - 14:08

ბუტა რობაქიძის საქმის გამოძიება დასრულების სტადიაშია და ის გახსნილად უახლოეს დროში გამოცხადდება, - ამის შესახებ განცხადება მთავარმა პროკურორმა არჩილ კბილაშვილმა გააკეთა.

არჩილ კბილაშვილის თქმით, საქმის გახსნილად გამოცხადებისთანავე დასახელდება ის თანამდებობის პირები, რომლებიც ამირან რობაქიძის მკვლელობასა და საქმის გაყალბებაში არიან ეჭვმიტანილები.

მთავარი პროკურორის განცხადებით, უახლოეს პერიოდში ასევე რამდენიმე გახმაურებული საქმის გამოძიება დასრულდება, მათ შორის ბიძინა ივანიშვილის ძმის შვილის ემზარ ივანაშვილის საქმე, რომელიც არჩევნებამდე პოლიციელის მოსყიდვის მცდელობის საქმეს ეხება.

გამოძიების შედეგები ასევე იმ საქმეზე გახდება ცნობილი, სადაც ალეკო ტაბატაძის გვარი ფიგურირებს.

მესამე საქმე, რაზეც კბილაშვილმა ისაუბრა, თენგიზ გუნავას საჩივარს ეხება, სადაც მან სამართალდამცველები ნარკოტიკების ჩადებაში დაადანაშაულა.

მთავარ პროკურორს ამ ეტაპზე არ დაუკონკრეტებია, თუ ვისი დანაშაულებრივი ქმედება იკვეთება ჩამოთვლილ საქმეებთან დაკავშირებით. მისი თქმით, საზოგადოებისთვის ეს ყველაფერი რამდენიმე დღეში გახდება ცნობილი.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.93
  • 3.3
  • 0.04
  • 0.68
  • 1.46