ფსიქოტროპულ მედიკამენტებზე დამოკიდებულებ მსჯავრდებულებს მკურნალობა ნებაყოფლობით ჩაუტარდებათ

სამშაბათი, 05 თებერვალი, 2013 - 18:26

საქართველოს სასჯელ-აღსრულების, პრობაციისა და იურიდიული დახმარების საკითხთა სამინისტროში სამედიცინო დეპარტამენტისა და დამოუკიდებელ ექსპერტთა ჯგუფის წარმომადგენლებს შორის დასკვნითი სამუშაო შეხვედრა დღეს გაიმართა.

შეხვედრაზე განიხილეს სასჯელაღსრულების სისტემაში ფსიქოტროპულ პრეპარატებზე დამოკიდებულ მსჯავრდებულთა მკურნალობის და რეაბილიტაციის საკითხი, ფსიქოტროპული პრეპარატების მოხმარების შემცირების შესაძლებლობა და აღნიშნული პროცესის მართვა.

სამუშაო ჯგუფის შემადგენლობაში შემავალ ნარკოლოგებთან, ფსიქიატრებთან, ფარმაკოლოგებთან, ფსიქოლოგებთან და ალგოლოგებთან ერთად შემუშავდა პროტოკოლი, რომლის საშუალებითაც მოხდება ფსიქოტროპული დამოკიდებულების შემცირება და დაძლევა.

პროტოკოლის განხორციელებას უზრუნველყოფენ შესაბამისი პროფილის და გამოცდილების მქონე სპეციალისტები.

ფსიქოტროპულ მედიკამენტებზე დამოკიდებულების მკურნალობა მსჯავრდებულებს ჩაუტარდებათ ნებაყოფლობით. აღსანიშნავია, რომ მსჯავრდებულთა დიდი ნაწილი გამოთქვამს მზაობას პრობლემის მოსაგვარებლად სამედიცინო პერსონალთან თანამშრომლობაზე.

 

 

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.48
  • 2.93
  • 3.3
  • 0.04
  • 0.68
  • 1.46