რუსულ-ქართული ჟურნალისტიკური სკოლის გახსნას აქციით შეხვდნენ

ორშაბათი, 04 თებერვალი, 2013 - 18:23

დღეს რუსულ-ქართული ჟურნალისტური სკოლა გაიხსნა. სკოლის გახსნა სამოქალაქო სექტორის ნაწილმა გააპროტესტა და სასტუმროში, სადაც ტრენინგი ტარდებოდა, აქცია გამართა. აქციის მონაწილეები მალევე დაიშალნენ, აქციაზე იმყოფებოდა ჯურნალისტი ოლეგ პანფილოვი.

დღეიდან ერთი კვირის განმავლობაში რუსული მედიის წარმომადგენლები - საინფორმაციო სააგენტო „რია ნოვოსტის“, რადიო „მაიაკის“, ჟურნალ „რუსკი რეპორტიორის“, გაზეთ „მოსკოვსკიე ნოვოსტის“, საინფორმაციო-ანალიტიკურ პორტალ „ვესტნიკ კავკაზას“ ჟურნალისტები ქართველი კოლეგებისათვის ჩაატარებენ ტრენინგებსა და მასტერ-კლასებს უახლესი საინფორმაციო ტექნოლოგიების გამოყენებასა და მულტიმედიური მასალების შექმნაში.

სკოლას აფინანსებს ცენტრი “ჩრდილოეთი-სამხრეთი”. ცენტრის აღმასრულებელი დირექტორის, ალექსეი ვლასოვის განმარტებით, ეს არასამთავრობო ორგანიზაა, რომლის მიზანია სამხრეთ კავკასიისა და ცენტრალური აზიის წარმომადგენლებთან (ჟურნალისტები, ისტორიკოსები, პოლიტოლოგები) პროფესიული ურთიერთობის დამყარება.

ცენტრმა მსგავსი ტრენინგები უკვე ჩაატარა ბაქოსა და ერევანში. ვლასოვის თქმით, საქართველოში ტრენინგის წარმატებით ჩატარების შემთხვევაში, დაიგეგმება წლის ბოლომდე სხვა სპეციალობის წარმომადგენლებისთვის ორი ტრენინგის ჩატარებაც. ორგანიზაცია “ჩრდილოეთი-სამხრეთი” მსგავსი ტრენინგების ჩატარებას უზბეკეთსა და ყირგიზეთშიც აპირებს. სკოლაში სწავლების შემაჯამებელ დღეს გამოცხადდება კონკურსის პირობები ესეს შესაქმნელად, რის შემდეგ სამხრეთ კავკასიის, მათ შორის, საქართველოს საუკეთესო ჟურნალისტები 2013 წლის ბოლოს შეძლებენ, მონაწილეობა მიიღონ სამხრეთ კავკასიის ახალგაზრდა ჟურნალისტთა რეგიონულ სკოლაში, ქალაქ სოჭში.

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.04
  • 3.45
  • 0.04
  • 0.65
  • 1.46