თვალსა და ხელს შუა გვაპარებენ ახალი სეპარატიზმის იდეას - მიხეილ სააკაშვილი

შაბათი, 02 თებერვალი, 2013 - 18:17

ეს არის გეგმის ერთი ნაწილი, - მიხეილ სააკაშვილი ჯავახეთში თავისუფალი ეკონომიკური ზონის შექმნის იდეას გამოეხმაურა და აღნიშნა, რომ ჩახალიანის ციხიდან გათავისუფლების შემდეგ საქართველოში ახალი სეპარატული პროექტის განხორციელება იწყება.

"თვალსა და ხელს შუა გვაპარებენ ახალი სეპარატიზმის იდეას. აფხაზეთიდან რკინიგზის გახსნა საქართველოს გავლით სომხეთზე, რაც დღევანდელ ეტაპზე ძირეულად ეწინააღმდეგება საქართველოს ეროვნულ ინტერესებს, ჩახალიანის გათავისუფლება, რომელმაც დაიწყო ორგანიზებული შემოტევა საქართველოს ცენტრალურ ხელისუფლებაზე და ახლა ეს თემა, თავისუფალი ეკონომიკური ზონის შესახებ, ყველაფერი ეს ერთმანეთთან არის კავშირში", - განაცხადა პრეზიდენტმა.

შეგახსენებთ, რუსეთში მყოფი ჯავახეთის დიასპორა სამცხე-ჯავახეთის თავისუფალ ეკონომიკურ ზონად გამოცხადების მოთხოვნით საქართველოს ხელისუფლებას მიმართა. დიასპორის სახელით გავრცელებულ განცხადებაში აღნიშნულია, რომ ობიექტური ხელშემწყობი გარემოებები, კერძოდ, საერთაშორისო სარკინიგზო ხაზების სიახლოვე, იაფი მუშახელი და რეგიონის სიახლოვეს განვითარებული ინფრასტრუქტურა ხელს შეუწყობს სამცხე-ჯავახეთში თავისუფალი ეკონომიკური ზონის შექმნას.

მსგავსი სიახლეები

სოციალური ქსელი

გამოკითხვა

ვის ისურვებდით დედაქალაქის მერად

ვალუტა

  • 2.49
  • 2.94
  • 3.27
  • 0.04
  • 0.68
  • 1.46