დავით ლილუაშვილი მერაბიშვილის განცხადებას რევანშისტულ მუქარად აფასებს

შაბათი, 02 თებერვალი, 2013 - 15:44

კოალიცია „ჩვენი უფლებებისათვის“ თავმჯდომარე დავით ლილუაშვილი გუშინ „ნაციონალური მოძრაობის“ გენერალური მდივნის ვანო მერაბიშვილის მიერ გაკეთებულ განცხადებას მუქარად აფასებს, რომელიც რევანშისტულ მოტივებს ატარებს.

 "ჯეონიუსი" გთავაზობთ დავით ლილუაშვილის მიერ გავრცელებულ განცხადებას:

"1 თებერვალს „ნაციონალური მოძრაობის“ გენერალური მდივნის ვანო მერაბიშვილის მიერ გაკეთებულ განცხადებაში, რომ ისინი არ დაელოდებიან ახალი ხელისუფლების ოთხწლიან მმართველობას, არის მუქარა რომელიც ატარებს რევანშისტულ მოტივებს.

ახალი ხელისუფლების მიმართ, ანალოგიურ აპათიურ და აგრესიულ განცხადებებს, ბოლო პერიოდში აკეთებს (ყოფილი პრეზიდენტი) მიხეილ სააკაშვილიც.

ცხრაწლიანი ავტორიტარული რეჟიმის შემომქმედნი, რასაც სააკაშვილ-მერაბიშვილი ჩადიოდნენ მრავალი წლის მანძილზე, როცა ქუჩაში ხვრეტდნენ ასობით ახალგაზრდას, ახორციელებდნენ მასობრივ პოლიტიკურ რეპრესიებს, ატერორებდნენ ბიზნეს სექტორს, ახდენდნენ კერძო საკუთრების ხელყოფას, აწარმოებდნენ ინტელიგენციის, დევნილების, ვეტერანების და სხვათა უფლებების ტოტალურ დარღვევებს, ყოველივე აღნიშნულისათვის საქართველოს მოსახლეობის უმრავლესობამ, 2012 წლის 1ოქტომბრის არჩევნების შედეგებით, თითქმის გაგაძევათ ქვეყნის პოლიტიკური სივრციდან, მაგრამ სამწუხაროდ დღესაც ვერ აკეთებთ სწორ პოლიტიკურ ანალიზს და თქვენს რიტორიკაში აგრძელებთ ძალის დემონსტრირებას.

ხალხმა არჩევნების, ანუ დემოკრატიული გზით არ მოგცათ „ნაციონალებს“ ხელისუფლებაში ყოფნისა და თქვენი დიქტატის გაგრძელების საშუალება.

საინტერესოა, თქვენ როგორ აპირებეთ არ დაელოდოთ ან არ დააცადოთ ახალ ხელისუფლებას ლეგიტიმურ დროში მოღვაწეობა?

ბოროტად ნუ იყენებეთ საზოგადოების გადაწყვეტილებას, რომ ყოველივე ზემოთ ჩამოთვლილი ჩადენილი არასრული დანაშაულისათვის, მხოლოდ პოლიტიკური ფორმით გაგებინათ პასუხი და ნუღარ ცდილობთ ხალხის პროვოცირებას და გაღიზიანებას", - ნათქვამია კოალიცია „ჩვენი უფლებებისათვის“ თავმჯდომარის დავით ლილუაშვილის განცხადებაში.

მსგავსი სიახლეები

სოციალური ქსელი

გამოკითხვა

ვალუტა

  • 2.73
  • 3.22
  • 3.61
  • 0.05
  • 0.7
  • 1.61