აშშ არასოდეს სცნობს აფხაზეთისა და სამხრეთ ოსეთის დამოუკიდებლობას - ჯო ბაიდენი

შაბათი, 02 თებერვალი, 2013 - 15:37

"ჩვენ არ ვართ გულუბრყვილონი ურთიერთობებში, ჩვენ ყველაფერზე თანახმა არ ვართ. მაგალითად, ჩვენ არასოდეს ვცნობთ აფხაზეთსა და სამხრეთ ოსეთს",   - განაცხადა აშშ-ის ვიცე-პრეზიდენტმა ჯო ბაიდენმა მიუნხენის კონფერენციაზე აშშ-რუსეთის ურთიერთობებზე საუბრისას.

როგორც მან აღნიშნა, ვაშინგტონი რუსეთთან თანამშრომლობის განვითარების პოტენციალს ხედავს, მიუხედავად რიგ საკითხებში არსებული აზრთა სხვადასხვაობისა.

"ჩვენ სერიოზული უთანხმოება გვაქვს სირიის ანტისარაკეტო თავდაცვის სისტემების, ნატო-ს გაფართოების, დემოკრატიისა და ადამიანის უფლებათა შესახებ და ეს უთანხმოება რეალურია. თუმცა, ჩვენ ვხედავთ თანამშრომლობის შესაძლებლობებს", - აღნიშნა ბაიდენმა.

წელს მიუნხენის კონფერენცია უსაფრთოების საკითხების შესახებ, რიგით 49-ეა. მიუნხენში იმყოფება საქართველოს საგარეო საქმეთა მინისტრი მაია ფანჯიკიძე, რომელიც კონფერენციის ფარგლებში ორმხრივ შეხვედრებს გამართავს. მაია ფანჯიკიძე კონფერენციაზე სიტყვითაც წარსდგება.

მსგავსი სიახლეები

სოციალური ქსელი

გამოკითხვა

ეთანხმებით თუ არა ქვეყანაში არსებულ ნარკოპოლიტიკას

ვალუტა

  • 2.45
  • 2.85
  • 3.21
  • 0.04
  • 0.5
  • 1.44