ნატოს შტაბ-ბინაში თავდაცვის სამინისტროს დელეგაციასთან შეხვედრები გაიმართება

ხუთშაბათი, 31 იანვარი, 2013 - 12:53

საქართველოს თავდაცვის მინისტრის პირველი მოადგილე ლევან დოლიძე ოფიციალური ვიზიტით ბრიუსელში გაემგზავრა. მასთან ერთად ნატოს შტაბ-ბინაში საქართველოს შეიარაღებული ძალების გაერთიანებული შტაბის უფროსის მოადგილე, ბრიგადის გენერალი ვახტანგ კაპანაძე იმყოფება.

სამდღიანი ვიზიტის ფარგლებში, თავდაცვის სამინისტროს დელეგაციის წევრები შეხვედრებს გამართავენ ნატოს გენერალური მდივნის მოადგილესთან ალექსანდრე ვერშბოუსთან, ნატოს სპეციალურ წარმომადგენელთან სამხრეთ კავკასიასა და ცენტრალურ აზიაში ჯეიმს აპატურაისთან, ნატოს თავდაცვის პოლიტიკისა და დაგეგმვის დირექტორთან ფრენკ ბოლანდთან და ნატოს გენერალური მდივნის თანაშემწესთან თავდაცვის პოლიტიკისა და დაგეგმვის საკითხებში ჰუსეინ დირიოზთან. დაგეგმილია ასევე, ორმხრივი შეხვედრები ბალტიისპირეთის ქვეყნების, პოლონეთისა და რუმინეთის ელჩებთან.

1 თებერვალს საქართველოს დელეგაცია ლევან დოლიძის ხელმძღვანელობით, საერთაშორისო სამხედრო შტაბის თანამშრომლობისა და რეგიონალური უსაფრთხოების განყოფილების დირექტორთან გენერალ-მაიორ კარლოს ბრანკოს შეხვდებიან. ამავე დღეს, საქართველოს თავდაცვის სამინისტროს დელეგაციის წევრები დაგეგმვისა და მიმოხილვის პროცესის (PARP) შეფასებაშიც მიიღებენ მონაწილეობას. საქართველო ამ პროცესში 1999 წლიდან მონაწილეობს. ალიანსთან პარტნიორობის მექანიზმი პრაქტიკულ ინსტრუმენტს წარმოადგენს, რომლის საშუალებითაც ხდება პარტნიორი ქვეყნის სამხედრო ქვედანაყოფების, ასევე მართვის სისტემების ნატოს ძალებთან თავსებადობის მიღწევა.

საქართველოს თავდაცვის სამინისტროს დელეგაციის ოფიციალური ვიზიტი ნატოს შტაბ-ბინაში 2 თებერვალს დასრულდება.

 

მსგავსი სიახლეები

სოციალური ქსელი

ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა ბატონო ირაკლი, თქვენ რომელი სახელმწიფოს პარლამენტის თავმჯდომარე ხართ? - ხათუნა ხოფერია კობახიძეს მიმართავს ქართველი ერი ტრაგედიების სიმბოლოდ იქცა... - მამა პეტრე კოლხი

გამოკითხვა

ვალუტა

  • 2.47
  • 3.03
  • 3.43
  • 0.04
  • 0.65
  • 1.45