ანდრო ბარნოვი დანიელ მესერლის შეხვდა

ხუთშაბათი, 31 იანვარი, 2013 - 12:44

შიდა ქართლის გუბერნატორი ანდრო ბარნოვი  წითელი ჯვრის საერთაშორისო კომიტეტის (წჯსკ) გორისა და ზუგდიდის ოფისების ხელმძღვანელს, დანიელ მესერლის შეხვდა. საუბარი შეეხო პროგრამებს, რომლებსაც ორგანიზაცია შიდა ქართლის რეგიონში 2008 წლიდან ახორციელებს.

ესენია, სასმელი წყლის სისტემების რეაბილიტაცია-მშენებლობის პროგრამები და მიკრო-ეკონომიკური ინიციატივების პროექტები, როგორც ადმინისტრაციული გამყოფი ხაზის მიმდებარე სოფლების მოსახლეობისათვის, ისე შიდა ქართლის სხვა რაიონებში მცხოვრები, უგზო-უკვლოდ დაკარგულთა და ნაღმზე აფეთქებულთა ოჯახებისათვის.

გარდა ამისა, 2012 წელს, საქართველოს წითელი ჯვრის საზოგადოებასთან თანამშრომლობის გზით, წითელი ჯვრის საერთაშორისო კომიტეტმა დაიწყო საცხოვრებლის ინტერიერის გაუმჯობესების პროგრამა, რომელიც მიზნად ისახავს განსაკუთრებით მოწყვლადი ადამიანების საცხოვრებელი პირობების გაუმჯობესებას, რათა თითოეულ რეაბილიტირებულ საცხოვრებელში არსებობდეს მინიმუმ ერთი მშრალი და თბილი ოთახი. ამ პროგრამით ისარგებლეს მეჯვრისხევის, შავშვების, ვარიანის ჩასახლებებსა და ზარდიაანთკარში მცხოვრებმა ოჯახებმა.

წითელი ჯვრის საეთაშორისო კომიტეტის ცხინვალის ოფისთან თანამშრომლობით, ორგანიზაცია ახორციელებს პროგრამებს, რომლების ადმინისტრაციული გამყოფი ხაზის გადაკვეთას ითვალისწინებს. ასეთია, ოჯახების გაერთიანების, სამედიცინო ევაკუაციის და პატიმართა მონახულების პროგრამები.

ანდრო ბარნოვმა და დანიელ მესერლიმ სოფელ მეჯვრისხევში არსებულ სასმელი წყლის პრობლემაზეც ისაუბრეს, რომელიც ერთობლივი თანამშრომლობით უნდა მოგვარდეს. გუბერნატორის თქმით, ის კარგად გაერკვევა აღნიშნულ საკითხში და ყველანაირად ეცდება ხელი შეუწყოს პროექტის განხორციელებას.

 

მსგავსი სიახლეები

სოციალური ქსელი

ტყუპების შემდეგ კიდევ ერთი შვილი - ირინა სარიშვილის ემოციური პოსტი სააკაშვილს სიამოვნებით გავაწნავდი სილას მხოლოდ იმიტომ, რომ მან ქართველების ლიდერობა ირჩია - სულა სულაშვილი იყავით უშიშარნი ვითარცა უხორცო!!! პირველ დარტყმას პირადად მე ავიღებ ჩემს თავზე!!! - სანდრო ბრეგაძე მიდით დაგვარბიეთ და რა ტურასაც დაიჭერთ, მერე ვნახოთ - რამაზ გაგნიძე ამერიკის საელჩოსა და მთავრობას შორის შეთანხმევაზე ავრცელებს ინფორმაციას რამდენი რამის თქმა მსურს იმ ადამიანების გასაგონად, ვისაც ერთხელ მაინც არ ჰქონია განცდა საკუთარი ცოდვისა... - პეტრე კოლხი ამ ქათმებს საერთოდ წარმოდგენა აქვთ, რას ნიშნავს კონსტიტუციური მონარქია - სულა სულაშვილი

გამოკითხვა

ვის ისურვებდით დედაქალაქის მერად

ვალუტა

  • 2.39
  • 2.81
  • 3.07
  • 0.04
  • 0.68
  • 1.41