დოპინგის მიღებისთვის 9 ქართველი სპორტსმენი დაისჯება

ოთხშაბათი, 30 იანვარი, 2013 - 13:24

აკრძალული სამედიცინო პრეპარატი 9 ქართველმა სპორტსმენმა გამოიყენა. აღნიშნული ინფორმაცია დღეს ეროვნულ ოლიმპიურ კომიტეტში გამართულ პრესკონფერენციაზე, ჟურნალისტებს  საქართველოს ანტიდოპინგური სააგენტოს თავმჯდომარემ პალიკო კასრაძემ განუცხადა.

როგორც ცნობილი გახდა, 2011-2012 წლებში, აკრძალული პრეპატარები ძიუდოისტმა თენგიზ პაპოშვილმა, თავისუფალი სტილით მოჭიდავემ ბესარიონ გუჩაშვილმა, ძიუდოისტმა ირაკლი ცირეკიძემ, მკლავჭიდელმა მერაბ კაკაბაძემ, ასევე მკლავჭიდში მოასპარეზე ირაკლი გამთენაძემ, შოთა ომარაშვილმა(ფაუერლიფტინგი), მორაგბე მიხეილ სუჯაშვილმა, მძლეოსანმა ბენიკ აბრამიანმა და გიორგი შეყლაშვილმა(ფაუერლიფტინგი) მიიღეს.

პალიკო კასრაძის განცხადებით, სპორტსმენებს დაეკისრათ ორწლიანი დისკვალიფიკაცია, ასევე მათ ჩამოერთმევათ ყველა ის ტიტული, რომელიც ამ პერიოდში მოიპოვეს. კასრაძის თქმით, ირაკლი ცირეკიძეს სასჯელი უკვე მოხდილი აქვს დოპინგის მიღების გამო.

საქართველოს ეროვნული ოლიმპიური კომიტეტი მოუწოდებს სპორტულ ფედერაციებს და კლუბებს, სპორტული გუნდების ექიმებს, მწვრთნელებსა და სპორტსმენებს, ზუსტად შეასრულონ მსოფლიოს ანტიდოპინგური კოდექსის მოთხოვნები და დაიცვან პატიოსანი შეჯიბრებების წესები.

 

მსგავსი სიახლეები

სოციალური ქსელი

გიჟია , ხალხო, რას აპიარებთ? - კობა დავითაშვილი აჰა, ქოცებო აკომენტირეთ ეს როგორც გინდათ - მიხეილ სააკაშვილი ეხლა დაეწყვნენ ის მწერლები... და ბოდიში მოუხადონ საზოგადოებას ე.წ. მწერალ ზვიად რატიანის გამო - ნიკოლოზ მჟავანაძე ყოველთვის, როცა დაკავებული მტყუანია და იგინება, პოლიციელების სამხრე კამერები გამართულად მუშაობს - კახა კუკავა საპოლიციო პრაქტიკასა და ზვიად რატიანზე პირი, რომელსაც აქვს თავშეკავების ვალდებულება, თავს ვერ იკავებს და იგინება. ეს პირი არის პრემიერი... - ირაკლი ტაბლიაშვილი ვიღაც მუდრეგს "ზევიდან" ოთო აბესაძის ულამაზეს ცოლზე ჰქონდა თვალი დადგმული! - ლალი მოროშკინა

გამოკითხვა

ვალუტა

  • 2.44
  • 2.88
  • 3.29
  • 0.04
  • 0.55
  • 1.44