მძღოლების გაფიცვა ხელისუფლების მხრიდანაა მართული - ზვიად პირველი

ორშაბათი, 28 იანვარი, 2013 - 15:39

მიკროავტობუსების გაფიცვა რაღაცა დოზით მართულია იმ ჯგუფების მხრიდან რომლებიც დღეს ხელისუფლებაში იკავებენ გარკვეულ თანამდებობებს, - განუცხადა "ჯეონიუსს" არასამთავრობო ორგანიზაციის "დემოკრატიული განვითარების ახალგაზრდული ცენტის" თავმჯდომარემ ზვიად პირველმა.

მისი თქმით,  ეს ყველაფერი დაიწყო იმის შემდგომ, რაც აქტიური გახდა ახალი ხელისუფლების მიდგომები სხვადასხვა სფეროებთან მიმართებაში,  მათ შორის ქალაქ თბილისის სატრანსპორტო საკითხებთან.

როგორც პირველი მიიჩნევს, არ უნდა მოხდეს უხეში ჩარევები ხელისუფელბის მხრიდან, რადგან არსებობს შესაბამისი უწყებები, უფლებადამცველები და პროფკავშირები, რომლის მეშვეობითაც უნდა მოხდეს მოლაპარაკება ყველა სეგმენტის გათვალისწინებით.

"ჩვენ რამდენიმე კვირის წინ გვახსოვს მერიაში შევარდნები, მოთხოვნები "ქართული ოცნების" დეპუტატების მხრიდან, ახლაც, მძღოლების გაფიცვაზე  "ქართული ოცნების" დეპუტატი ვნახე მისული, რომელიც  კონკრეტულად ითხოვდა მათი მოტოვნების დაკმაყოფილებას, ეს არის ზეწოლა თბილისის მერიაზე, რაც გვაძლევს იმის საფუძველს,  რომ ეს ყველაფერი მართულია ხელისუფლების მხრიდან", - განაცხადა ზვიად პირველმა.

შეგახსენებთ,რომ დღეს თბილისის ყვითელი მიკროავტობუსების მძღოლებმა აქცია თბილისის მერიასთან გამართეს. კომპანია "თბილლაინთან" უშედეგო მოლაპარაკებების შემდეგ, მძღოლები მერიასთან შეიკრიბნენ და დედაქალაქის სატრანსპორტო სამსახურის წარმომადგენლებთან შეხვედრას ითხოვდნენ, რის შემდეგაც გაფიცული მძღოლების საინიციატივო ჯგუფმა სატრანსპორტო სამსახურის წარმომადგენლებთან მოლაპარაკება გამართა.

 

მსგავსი სიახლეები

სოციალური ქსელი

არ მომწონს მიშას რევოლუციონერად რომ მოიხსენიებენ - ხათუნა ოჩიაური უბრალოდ, ბოლო მომენტში შეიცვალა რაღაც... - ირაკლი ტაბლიაშვილი სააკაშვილის გათავისუფლებაზე როცა 50-მილიონიანი ქვეყნის დედაქალაქი ზანზარებს შენი ქვეყნის პრეზიდენტის გათავისუფლების მოთხოვნით... - ირინა სარიშვილი ვისაც ვერანაირად ვერ ვუხსნი და ვისთანაც მიჭირს სიტყვების პოვნა - სანდრა რულოვსი როდის გაარკვევს განათლების მინისტრი ნაცარქექიასთან ურთიერთობას და მოხედავს ამ ლამაზ ბიჭებს და გოგოებს - ირაკლი ჟვანია ასე იწყებოდა ჩემს ბავშვობაში - 80-იანი წლების ბოლოს დანებით დაიწყეს და 90-იან წლებში ავტომატებით გააგრძელეს ერთმანეთის მკვლელობა - სანდრო ბრეგაძე

გამოკითხვა

ვალუტა

  • 2.63
  • 3.09
  • 3.5
  • 0.04
  • 0.69
  • 1.55