უკვე რამდენიმე კვირაა, რაც საინფორმაციო სააგენტო "ჯეონიუსი“ სხვადასხვა აქტუალურ საკითხებზე თბილისის მასშტაბით გამოკითხვებს ატარებს. ამჯერად გამოკითხვის სფეროები განათლება და საზოგადოებაა.  ეს ორი სფერო ყველა თაობის ადამიანის ცხოვრების განუყოფელი ნაწილია. გამოიკითხა 35 ადამიანი, ყოველგვარი შერჩევის გარეშე.

კითხვაზე, თქვენთვის რომელი უფრო მნიშვნელოვანია, პროფესიული ცოდნა თუ პრაქტიკული გამოცდილება?   გამოკითხულთა 45%-მა უპასუხა, რომ პროფესიული განათლება, 40%-მა უპასუხა, რომ პრაქტიკას ანიჭებს უპირატესობას,  ხოლო 15%-მა თავი შეიკავა პასუხის გაცემისაგან.

შემდეგ კითხვაზე, თუ რომელ პროფესიას აირჩევდა ამჟამად შემდგომში დასაქმების მიზნით? გამოკითხულთა 75%-მა უპასუხა, რომ ბიზნესს და მენეჯმენტს, 15%-მა უპასუხა, რომ საზოგადოებასთან ურთიერთობის სფეროს, 10%-მა კი აღნიშნა, რომ არ შეიცვლიდა პროფესიას.

დათო  24 წლის: "ყველაზე მეტი დასაქმებული ეკონომიკის და ბიზნესის სფეროშია, ამ სფეროში მოთხოვნა იმდენად დიდია, რომ იქ ბევრი სხვა სპეციალობის ადამიანიც  მუშაობს“

კითხვაზე, სად გირჩევნიათ მიიღოთ განათლება? საქართველოში თუ საზღვარგარეთ? გამოკითხულთა 80%-მა უპასუხა, რომ საზღვარგარეთ, 15%-მა - საქართველოში, 5%-მა კი აღნიშნულ კითხვას პასუხი არ გასცა.

ზურა,  21წლის: "საქართველოში ნორმალური განათლების მიღება შეუძლებელია, რომელი უნივერსიტეტიც ჩემთვის მისაღებია, იქ გადასახადები უაზროდ ძვირია, აქედან გამომდინარე,  მეც და ჩემს მეგობრებს გვირჩევნია, იმ ფულით წავიდეთ  უცხოეთში და  მივიღოთ განათლება, იქ უფრო თანამდროვე სტანდარტებით მიმდინარეობს სწავლება. დღეს საქართველოში დასაქმების მხრივ, უფრო პრესტიჟულიცაა, როცა საზღვარგარეთის დიპლომი გაქვს"

                                                                                                                           თაკო ბოჭორიშვილი