საინტერესო

ახალი წლის 3 სიმბოლო

სამშაბათი, 27 დეკ 2011 23:17

ახალი წელიახალი წლის მოახლოებისას სახლის და საახალწლო სუფრის მორთვის საკითხი ძალზე აქტუალურად გვეჩვენება. ყველას სურს, რომ დეკორი განსაკუთრებული იყოს, რომ ნაძვის ხის სათამაშოებიც კი აღფრთოვანებას იწვევდნენ ახლობლებში და ნათესავებში. ყველას აქვს საკუთარი ლამაზი და საინტერესო ტრადიცია, მაგრამ მათ აერთიანებთ ახალი წლის 3 უცვლელი სიმბოლო.

ჯადოსნური ხე

ახალი წლის ერთ-ერთი უმთავრესი ატრიბუტი ნაძვის ხე არის. კარგი და ლამაზი ახალი წელი ხომ არ არის მხოლოდ და მხოლოდ საცივი, გოზინაყი,  მანდარინები, ’’ოლივიე’’ და შამპანიური? ამ დღესასწაულის  ლამაზად  მორთულ ხესთან გატარება   არაფერს შეედრება! ახალი წელი ნაძვის ხის გარეშე? – არასდროს!

ფოლკლორული პერსონაჟები

მეორე არანაკლებ მნიშვნელოვანი სიმბოლო თოვლის ბაბუა არის. როგორც ბავშვებს სწამთ, ახალი წლის ღამეს კეთილი თოვლის ბაბუა ჩამოვა მთიდან და უამრავ საჩუქარს და ტკბილეულს ჩამოუტანს მათ. როგორც წესი, თოვლის ბაბუას გამოსახავენ კეთილი მოხუცის სახით, რომელსაც გრძელი თეთრი წვერი აქვს. ცალ მხარეს საჩუქრებით სავსე ხურჯინი აქვს ჩამოკიდებული. ყოველ ქვეყანას ჰყავს საკუთარი საახალწლო პერსონაჟი-თოვლის ბაბუის ანალოგი. მაგალითად,  ბულგარეთში მას ზიუზიას უწოდებენ, აშშ-ში სანტა კლაუს-ს, საფრანგეთში პერე ნოელ-ს, ფინეთში კი იულუპუკის.

პატარა საჩუქრები დიდი დღესასწაულისთვის

მესამე და ყველაზე სასიამოვნო ატრიბუტი საახალწლო საჩუქრებია. რაა ახალი წელი ჯადოსნური საჩუქრების გარეშე?  ამ საოცარ ღამეს ხომ ყველა ჩვენი სურვილი აუცილებლად ახდება! რამის ჩუქებისას უნდა ვიყოთ გულწრფელები, ექსკლუზიურობაც არ უნდა გვაკლდეს. როგორც აღმოჩნდა,  ხელნაკეთ საჩუქრებსაც შეუძლიათ საუბარი: სიყვარულზე, მეგობრობაზე და მათი შემქმნელის ნიჭზე.

                                                                                                                 მარია გრიგორიანი

მსგავსი სიახლეები

9 შვილის დედამ სკოლაში სწავლა 102 წლის ასაკში ...

ჩინეთის ქალაქის ციზნანის მცხოვრები მა სიუსიანი სკოლაში პირველად 102 წლისა შევიდა. ის მთელი ცხოვრება ოცნებობდა სკოლაში ესწავლა, თუმცა 13 წლისა იძულებული გახდა მუშაობა დაეწყო, ხოლო 18 წლის ასაკში კი გათხოვდა.

ინდოეთში ინდური ღვთაების მსგავსი, 8-კიდურიანი ბავშვი ...

ინდოეთში, ქალაქ დუმრი-ისრიში,  ახალშობილი დაიბადა, რომელსაც 8 კიდური აქვს. ბავშვს ინდური ღმერთის განეშას მსგავსად, 4 ხელი და 4 ფეხი აქვს, ამ ფაქტმა მისი მშობლები ძალიან გაახარა და მას უკვე განეშას უწოდებენ.

იაპონიაში პიანინო შექმნეს, რომელიც ხელის შეხების გარეშე უკრავს

იაპონიაში ფორტეპიანო  შექმნეს, რომელზეც შესაძლებელია  ხელის შეხების გარეშე დაკვრა. სპეციალური სათვალის გამოყენებით, მგრძნობიარე სენსორები აკონტროლებენ  თვალის მოძრაობებს.

ყავა წმენდს არტერიებს და ამცირებს სისხლძარღვთა დაავადებების რისკს

დღეში რამდენიმე ჭიქა ყავის დალევა წმენდს არტერიებს, რითაც ამცირებს სისხლძარღვთა დაავადებების რისკს, - ასეთ დასკვნამდე მივიდნენ სამხრეთ კორეელი მკვლევარები.

პაველ გლობა : "2012 წელს რუსეთს გადატრიალება ელოდება"

ჯერ კიდევ ორი თვის წინ ცნობილმა ასტროლოგმა პაველ გლობამ რუსეთის საპრეზიდენტო არჩევნებთან დაკავშირებით 2012 წლის ასტროლოგიური პროგნოზი შეადგინა. მისი თქმით, შავი დრაკონის წელი რუსეთისთვის საკმაოდ მძიმე იქნება.

ექსპერტებმა კიბოს გამომწვევი მიზეზი დაადგინეს

საინფორმაციო სააგენტო Xinhua–ს ინფორმაციით, სინგაპურის მეცნიერთა ჯგუფმა, კიბოს განვითარებაზე პასუხისმგებელი გენი აღმოაჩინა. ცნობილია, რომ კიბოს ღეროვანი უჯრედების (TIC) ცოტაოდენ რაოდენობასაც შეუძლია სიმსივნე გამოიწვიოს.

ფოტოკოლაჟი