ვილნიუსში, ევროპირველობის მეორე ჯგუფურ ეტაპის F ჯგუფის პირველ შეხვედრაში საქართველოს კალათბურთელთა ნაკრები მაკედონიას დაუპირისპირდა და დაძაბულ ბრძოლაში 2 ქულის სხვაობით ანგარიშით 65-63 დამარცხდა.

საქართველოს ძიუდოისტთა ეროვნული ნაკრების წევრმა, მოჭიდავე ვარლამ ლიპარტელიანმა 90 კგ. წონით კატეგორიაში არაბეთის გაერთიანებული საემიროების დედაქალაქ აბუ დაბიში მიმდინარე ჩემპიონატზე ოქროს მედალი მოიპოვა.

საქართველოს ეროვნული ნაკრებისა და მოსკოვის "სპარტაკის" ყოფილმა ფეხბურთელის ზაზა ჯანაშიას განცხადებით, ჯანო ანანიძე პერსპექტიული და ნიჭიერი ფეხბურთელია, თუმცა მისთვის ევროპაში კარიერის გაგრძელება ჯერ ძალიან ადრეა.

გერმანული "შალკეს" ფორვარდის რაულის განცხადებით,  ის აპირებს გუნდის  დატოვებას. მისი თქმით,  ის ევროპაში აღარ აპირებს თამაშს. "ერთი რამ დანამდვილებით ვიცი - კარიერას ევროპაში აღარ გავაგრძელებ. შემოთავაზებები მაქვს არაევროპული გუნდებიდან და მე სწორედ რომელიმე მათგანში წავალ."

მადრიდის “რეალის” შუახაზელ ხაბი ალონსოს ტრავმა აწუხებს. ესპანელმა კოჭი ვარჯიშზე დაიზიანა.“სამეფო კლუბის” სამედიცინო შტაბის წინასწარი პროგნოზით, ნახევარმცველის ტრავმა სერიოზული არაა.

ბაქოს “ნეფთჩის” პრეზიდენტმა სადიხ სადიხოვმა განაცხადა, რომ ‘ზესტაფონთან” 3:0 მოგებას არ ელოდა. ასევე აღნიშნა, რომ ჯერ ნაადრევია ზეიმი.