რელიგია

მართლმადიდებელი ეკლესია 7 აპრილს ხარების დღესასწაულს აღნიშნავს

პარასკევი, 06 აპრ 2012 14:46

ღვთისმშობლის ხარება ერთ-ერთი უდიდესი საუფლო დღესასწაულია, რომელსაც წმიდა ეკლესია 25 მარტს, ხოლო ახალი სტილით 7 აპრილს აღნიშნავს.  ამ დღეს ყოვლადწმიდა მარიამთან ერთად მთელ კაცობრიობას ეუწყა,   რომ სახიერმა ღმერთმა ადამიანი სიკვდილისა და ცოდვის სამუდამო ტყვეობისათვის ვერ გაიმეტა და ეშმაკის მონობისაგან მისი გამოხსნა გადაწყვიტა.

სახარების მიხედვით, მთავარანგელოზ გაბრიელს მარიამ ღვთისმშობლისთვის უხარებია, რომ მისგან იესო ქრისტე, ძე ღვთისა იშვებოდა.

“პატარა ქალაქ ნაზარეთში ერთი მოკრძალებული ქალწული ცხოვრობდა, სახელად მარიამი. მას უფალი წმინდა გულით უყვარდა. ერთხელ მას უფლისაგან გამოგზავნილი ანგელოზი გაბრიელი გამოეცხადა და უთხრა:”გიხაროდეს! მომადლებულო, შენთანაა უფალი. კურთხეული ხარ დედათა შორის.” მარიამ, ვინაიდან მადლი ჰპოვე ღმერთთან. აჰა, დაორსულდები და შობ ძეს და სახელად იესოს დაარქმევ. დიდი იქნება ის და უზენაესის ძედ იწოდება. მისცემს მას უფალი ღმერთი მისი მამის, დავითის, ტახტს და უკუნისამდე იმეფებს იაკობის სახლზე და მის მეფობას არ ექნება დასასრული”,– აღნიშნულია სახარებაში.

ხარების დღესასწაულთან დაკავშირებით ეკლესიებში წირვა–ლოცვა აღევლინება და ამ დღეს თევზით გახსნილდება.

ცნობისთვის, ღვთისმშობლის ხარების დღესასწაული ქრისტიანთა მიერ პირველი საუკუნეებიდანვე აღესრულება. ეკლესიის მამათა უძველეს ნაწერებში მითითებულია, რომ ღმერთკაცის განკაცება 25 მარტს მოხდა, რადგან პირველი ადამიანიც სწორედ 25 მარტს შეიქმნა. მართლმადიდებელი სარწმუნოების უძველესი მქადაგებლები ქრისტეს მიმდევრებს ასწავლიდნენ, რომ პატივი მიეგოთ ღვთისმშობლისათვის. ეკლესიის უდიდესი მამების სწავლებით, ვინც ღმერთის დედას ღვთისმშობლად არ სცნობდა, ის სარწმუნოებისა და ქრისტიანობის მტერი იყო და ქრისტიანის სახელს არ იმსახურებდა.

მსგავსი სიახლეები

მართლმადიდებელი ეკლესია დღეს წმინდა მოციქულის სვიმონ კანანელის ხსენების ...

მართლმადიდებელი ეკლესია დღეს წმინდა მოციქულის სვიმონ კანანელის ხსენების დღეს აღნიშნავს. აღნიშნულთან დაკავშირებით ტაძარებში წირვა-ლოცვა აღესრულება.

დედა პარასკევას ხილვაზე საპატრიარქო ოფიციალურ განცხადებას ავრცელებს

საქართველოს საპატრიარქო ოფიციალურ განცხადებას ავრცელებს დედა პარასკევას  ინფორმაციაზე, თითქოსდა მას ხილვა ჰქონდა და მამა გაბრიელმა უთხრა, რომ ვინც მივა მის საფლავთან შობამდე და ილოცებს, ორ სურვილს აუსრულებს.

საქართველოსა და რუსეთის პატრიარქების შეხვედრა მოსკოვის მაცხოვრის ტაძარში ...

ილია II კირილერუსეთის საპატრიარქოს ოფიციალური ვებგვერდის ინფორმაციით, მოსკოვში მყოფი სრულიად საქართველოს კათოლიკოს-პატრიარქი, ილია მეორე მოსკოვისა და სრულიად რუსეთის პატრიარქ კირილს შეხვდა. პატრიარქების შეხვედრა მოსკოვის მაცხოვრის ტაძარში გაიმართა. რუსეთის პატრიარქმა მადლობა გადაუხადა საქართველოს პატრიარქს სტუმრობისათვის.

ხვალ პატრიარქის იუბილისადმი მიძღვნილი კონცერტი გაიმართება

 თბილისის საკონცერტო დარბაზში ხვალ, 20:00 სთ-ზე, გაიმართება კონცერტი სრულიად საქართველოს კათოლიკოს-პატრიარქის, უწმიდესისა და უნეტარესის ილია II-ის დაბადებიდან 80 და აღსაყდრებიდან 35 წლისთავის აღსანიშნავად.

მართმადიდებელი სამყარო, ხვალ მირქმის ბრწყინვალე დღესასწაულს აღნიშნავს

მართმადიდებელი სამყარო, ხვალ მირქმის ბრწყინვალე დღესასწაულს აღნიშნავს. საქართველოს ყველა მოქმედ ტაძარში საზეიმო წირვა ლოცვა აღევლინება. მირქმა, ქრისტიანული ეკლესიის ერთ-ერთი უძველესი დღესასწაული. ღვთისადმი მადლიერების ნიშნად, 544 წელს, ეკლესიამ განაჩინა, მირქმა (მიგებება) უფლისა ღვთისა და მაცხოვრისა ჩვენისა იესო ქრისტესი უფრო საზეიმოდ აღენიშნათ.

საპატრიარქო როლანდ ახალაიასთან დაკავშირებით განცხადებას ავრცელებს

საქართველოს საპატრიარქო როლანდ ახალაიას მიმართვის გამო, განცხადებას ავრცელებს, რომელიც ზუგდიდისა და ცაიშის ეპარქიაში საეპისკოპოსო რეზიდენციის აშენებას ეხება.

ფოტოკოლაჟი