რელიგია

სრულიად საქართველოს კათოლიკოს-პატრიარქს დღეს 79 წელი შეუსრულდა

ოთხშაბათი, 04 იან 2012 12:17

უწმინდესისრულიად საქართველოს კათოლიკოს-პატრიარქს, ბიჭვინთისა და ცხუმ-აფხაზეთის მიტროპოლიტს, უწმინდესს და უნეტარესს ილია მეორეს დღეს 79 წელი შეუსრულდა.

უწმინდესი, ერისკაცობაში ირაკლი გიორგის ძე ღუდუშაური-შიოლაშვილი დაიბადა 1933 წლის 4 იანვარს, ქალაქ ორჯონიკიძეში, (ახლანდელი ვლადიკავკაზი), გიორგი ღუდუშაურ-შიოლაშვილის და ნატალია კობაიძის ოჯახში.

აღნიშნულთან დაკავშირებით, გრიბოედოვის სახელობის თეატრში, პაატა ბურჭულაძის ფონდ "იავნანას" ორგანიზებით და "თიბისი ბანკის" მხარდაჭერით, პატრიარქის დაბადების დღისადმი მიძღვნილი საქველმოქმედო კონცერტი გაიმართება. პირველად, ქართული საოპერო ხელოვნების ისტორიაში, საკონცერტო შესრულებით ჯუზეპე ვერდის ოპერა "ბედის ძალა" იქნება წარმოდგენილი. საქველმოქმედო საღამოს კათოლიკოს-პატრიარქი დაესწრება. საღამოს დასასრულს, ბინის გასაღები დიასამიძეების 8-შვილიან ოჯახს გადაეცემა. საღამოში მონაწილეობისთვის, პაატა ბურჭულაძის მოწვევით, საქართველოში მსოფლიოში აღიარებული იტალიელი ბარიტონი ალბერტო რინალდი მიიღებს.

1952 წელს ვლადიკავკაზის 22-ე საშუალო სკოლის დამთავრების შემდეგ სწავლა მოსკოვის სასულიერო სემინარიაში განაგრძო. 1957 წლის 16 აპრილს სასულიერო აკადემიის მე-2 კურსის სტუდენტი ილია მეორე საქართველოს მაშინდელი კათოლიკოს-პატრიარქის, მელქისედეკ III-ის ლოცვა-კურთხევით თბილისის წმ. ალექსანდრე ნეველის სახელობის ტაძარში ბერად აღკვეცეს და მას სახელად ილია უწოდეს. 1960 წელს დაამთავრა მოსკოვის სასულიერო აკადემია პირველი ხარისხის დიპლომით. 1963 წლის 26 აგვისტოს საქართველოს მაშინდელი კათოლიკოს-პატრიარქის, ეფრემ მეორის მიერ არქიმანდრიტი ილია ბათუმ-შემოქმედის ეპარქიის ეპისკოპოსად აკურთხეს, 1967 წელს კი ცხუმ-აფხაზეთის ეპისკოპოსად გადაიყვანეს. ორი წლის შემდეგ ილია მეორე მიტროპოლიტის ხარისხში აიყვანეს. ილია მეორემ სოხუმში 11 წელი დაჰყო.
საქართველოს მაშინდელი კათოლიკოს-პატრიარქის, დავით V-ს გარდაცვალების შემდეგ, 1977 წლის 23 დეკემბერს საქართველოს მართლმადიდებელი ეკლესიის წმინდა სინოდმა კათოლიკოსი ილია მეორე პატრიარქად აირჩია. ილია მეორის ინტრონიზაცია 1977 წლის 25 დეკემბერს სვეტიცხოვლის საკათედრო ტაძარში მოხდა. პატრიარქს სახელი ილია II მიეკუთვნა.

2010 წლის 21 დეკემბრის სინოდის სხდომის გადაწყვეტილებით საქართველოს კათოლიკოს პატრიარქის ტიტულატურა შემდეგნაირად განისაზღვრა: უწმიდესი და უნეტარესი ილია II, საქართველოს კათოლიკოს-პატრიარქი, მთავარეპისკოპოსი მცხეთა-თბილისისა და მიტროპოლიტი ბიჭვინთისა და ცხუმ-აფხაზეთის.

მსგავსი სიახლეები

საქართველოს კათოლიკოს-პატრიარქის ძმა ფერისცვალების ტაძრის ეზოში დაკრძალეს

სრულიად საქართველოს კათოლიკოს-პატრიარქის ძმა დაკრძალეს. ბერი გიორგის განსასვენებელი სამთავროს დედათა მონასტრის ფერისცვალების ტაძრის ეზოში მდებარეობს.

ბენედიქტე XVI-ის გადადგომა გერმანელმა ჯერ კიდევ 2011 ...

გაზეთ "Bild" -ის ინფორმაციით, გერმანულ კალენდარში "Karicartoon 2013" აღმოჩნდა წინასწარმეტყველური ხასიათის კარიკატურა, რომელიც ბენედიქტე XVI -ს გადადგომას ჯერ კიდევ ერთი დღით ადრე იუწყებოდა.

ალავერდის მოსახლეობა აბბა ალავერდელი მიტროპოლიტი დავითის მოხსნას ითხოვს

სოფელ ალავერდის მოსახლეობა აბბა ალავერდელი მიტროპოლიტი დავითის მოხსნას ითხოვს. კახეთის საინფორმაციო ცენტრის ინფორმაციით, ალავერდის მცხოვრებლები მეუფეს შევიწროვებაში ადანაშაულებენ და საქართველოს კათოლიკოს - პატრიარქს კონფლიქტის გამწვავების თავიდან ასაცილებლად სასწრაფო გადაწყვეტილების მიღებას სთხოვენ.

მოთმინება

მრისხანება ადამიანის ბუნებაა, ხოლო მისი მოთოკვა - ქრისტიანისა.

ეკლესია სახელმწიფოს ID ბარათის ბიომეტრიული პასპორტით ჩანაცვლებას თხოვს

სასულიერო პირებმა  30 000 ხელმოწერა შეაგროვეს, სადაც ხელმომწერთა მოთხოვნაა ID ბარათების ბიომეტრიული პასპორტით ჩანაცვლება და პლასტიკური ბარათების აღების ნებაყოფლობითობა, რის შედეგადაც, სახელმწიფოში ფულადი გადახდა შენარჩუნდება.

უწმინდესი დღეს თბილისის სასულიერო აკადემიის სტუდენტებს შეხვდება

უწმინდესისაქართველოს საპატრიარქოსთან არსებული ახალგაზრდობის სულიერი და ინტელექტუალური განვითარების ცენტრის დარბაზში დღეს სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი ილია II, შეხვედრას გამართავს თბილისის სასულიერო სემინარია-აკადემიის პროფესორ-მასწავლებლებლებთან და სტუდენტებთან.

ფოტოკოლაჟი