1 ივნისს ბავშვთა დაცვის საერთაშორისო დღესთან დაკავშირები ღონიძიებები გაიმართა.

ქალაქის ცენტრალურ მოედანზე მუნიციპალიტეტის კერძო და საჯარო სკოლებს შორის ასფალტზე ხატვის კონკურსი გაიმართა. ნამუშევრებს სამხატრო სკოლის პედაგოგებისგან დაკომპლექტებული სამ კაციანი ჟიური აფასებდა.

კომპეტენტურმა ჟურიმ გამოვლინა გამარჯვებულები შემდეგ ნომინაციებში: საუკეთესო ნამუშევარი - სასულიერო აკადემია, საუკეთესო იდეა - №2 საჯარო სკოლა, საუკეთესო შესრულება - №5 სკოლა, ინდივიდუალური შესრულება - №6 სკოლა, საუკეთესო ნახატი - №5 სკოლა. აღნიშნული სკოლები შესაბამისი სიგელებით დაჯილდოვდნენ. გარდა ამისა კონკურსში მონაწილე ყველა სკოლას ღონისძიებაში მონაწილეობის აღსანიშნავად სერტიფიკატი გადაეცა.

დილიდან გორელ პატარებს კულტურისა და დასვენების პარკი ,,ახალბაღი“ მასპინძლობდა. მათ გორის მუნიციპალიტეტისგან საჩუქრად ნაყინი და ტკბილეული გადაეცათ. ,,ახალბაღში“ მთელი დღის მანძილზე ბავშვებს ყველა ატრაქციონი უფასოდ ემსახურებოდა.

ბავშვთა საერთაშორისო დღესთან დაკავშირებით ადგილობრივი ხელისუფლების წარმომადგენლები გორის სამშობიარო სახლს ეწვივნენ, პირველ ივნისს დაბადებული პატარები მოინახულეს და საჩუქრები გადასცეს.

აღნიშნული ღონისძიებების პარალელურად ქალაქის ცენტრალურ მოედანზე არასამთავრობო ორგანიზაციამ ,,გორის ბიზნეს ცენტრი“ გორის მუნიციპალიტეტის მხარდაჭერით ,,ახალგაზრდული ფორუმი“ სპორტული ღონისძიებით ,,მხირული სტარტები“ გახსნა.

ფორუმი 2 ივნისს ინტელექტუალური თამაშით „5 ზარდახშა“ გაგრძელდება და 3 ივნისს საზეიმო კონცერტით დაიხურება. პროექტში მონაწილეობას გორისა და ქარელის 12 საჯარო სკოლის 200-მდე მოსწავლე იღებს.