ჯანდაცვა

საქართველოში შიდსის ვირუსი ყველაზე ხშირად ჰეტეროსექსუალური გზით გადადის

ხუთშაბათი, 28 აპრ 2011 07:38

საქართველოში შიდსით კიდევ ორი ადამიანი გარდაიცვალა. ამჯერად დაღუპულია ერთი მამაკაცი და ერთი ქალი.

ორივე შემთხვევაში პაციენტების დაღუპვის მიზეზი დაგვიანებული მკურნალობა გახდა. მათ ექიმს დაავადების ბოლო სტადიაზე მიმართეს, რის გამოც, პაციენტების გადარჩენა ვეღარ მოხერხდა.

პაციენტების გარდაცვალების მიზეზი, ყველაზე ხშირად, სწორედ დაგვიანებული დიაგნოსტიკაა.

ცნობისთვის, წელს ადამიანის იმუნოდეფიციტის ვირუსით (აივ) გარდაცვალების უკვე 43–ე შემთხვევა დაფიქსირდა. მხოლოდ აპრილში შიდსის ვირუსს 11 ადამიანი ემსხვერპლა.

მიუხედავად აღნიშნული სტატისტიკისა, სპეციალისტების განცხადებით, დაავადებულთა რაოდენობის მკვეთრი მატება არ შეინიშნება.

ცნობისთვის, საქართველოში შიდსის ვირუსი ყველაზე ხშირად ჰეტეროსექსუალური გზით გადადის. შიდსისა და კლინიკური იმუნოლოგიის ცენტრმა ახალი სტატისტიკა გამოაქვეყნა, რის შედეგადაც ირკვევა, რომ აღნისნული დაავადება სწორედ ქალსა და მამაკაცს შორის სექსუალური ურთიერთობის დროს გადადის. დაავადებულთა 55 პროცენტი სწორედ ჰეტროსექსუალურ კავშირზე მოდის.

მეორე ადგილზე კი ინტრავენური ნარკომანიაა. ცნობილია, რომ ინფიცირებულთა 39 პროცენტი ერთჯერადი შპრიცების მრავალჯერადი გამოყენებით დაინფიცირდა. მესამე ადგილზე კი ჰომოსექსუალური კავშირებია. ასეთი კავშირის შედეგად კი ინფიცირების 5 პროცენტი დაფიქსირდა.

მსგავსი სიახლეები

საკრუიზო ხომალდზე მყოფ ქართველებს ებოლას საფრთხე არ ემუქრებათ

საკრუიზო ხომალდ „კარნივალ მეჯიკზე“ მყოფ მგზავრებს, მათ შორის საქართველოს სამ მოქალაქეს, ებოლას საფრთხე არ ემუქრებათ. ერთ-ერთი მეზღვაური, 23 წლის ბაჩანა გოგიტიძე ოჯახს ტელეფონით დაუკავშირდა და გემზე არსებულ ვითარებაზე ინფორმაცია მიაწოდა. 

შიდსით ორი მამაკაცი გარდაიცვალა

თბილისში შიდსით გარდაცვალების მორიგი შემთხვევები დაფიქსირდა. აივ-ინფექციას  40 წლამდე ორი მამაკაცი ემსხვერპლა. ორივე შემთხვევაში გარდაცვალების მიზეზი დაგვიანებული დიაგნოსტიკა და თანდაყოლილი დაავადება გახდა.

21 მარტი დაუნის სინდრომის საერთაშორისო დღეა

თბილისი უმასპინძლებს საინფორმაციო კამპანიას, რომელიც დაუნის სინდრომის საერთაშორისო დღეს ეძღვნება და გაეროს განვითარების პროგრამის (UNDP) მხარდაჭერით ჩატარდება.

მენინგოკოქცემიის დიაგნოზით ინფექციურ საავადმყოფოში ორი წლის ბავშვი მკურნალობს

ინფექციურ საავადმყოფოში მენინგოკოქცემიის დიაგნოზით 2 წლის ბავშვი მოათავსეს. ცნობილია რომ, პაციენტის ჯანმრთელობის მდგომარეობა მძიმეა. აღსანიშნავია, რომ პაციენტს მაღალი ტემპერატურა და სხეულზე სისხლჩაქცევები აღენიშნება.

42 წლის ქალი შიდსით გარდაიცვალა

საქართველოში შიდსით კიდევ ერთი ადამიანი გარდაიცვალა. 42 წლის ლამზირა ჩალაძე აივ-ინფექციით ქუთაისის საავადმყოფოში დაიღუპა. იგი ერთადერთი აივ-ინფიცირებული იყო, რომელიც დიაგნოზს არ მალავდა. ჩალაძე 10 წლის წინ სისხლის გადასხმის დროს დაინფიცირდა.

ენერგეტიკული სასმელები 18 წლამდე ასაკის მომხმარებელზე აღარ გაიყიდება

ამერიკული პედიატრიის აკადემიის ოფიციალურ ჟურნალ "პედიატრიკში" სპეციალური გამოკვლევა გამოქვეყნდა სათაურით "ენერგეტიკული სასმელების გავლენა ბავშვთა და მოზარდთა ჯანმრთელობაზე". კვლევაში მონაწილეობას მაიამის უნივერსიტეტის მეცნიერები იღებდნენ.

ფოტოკოლაჟი