პენიტენციურ სისტემაში აფთიაქების ლიცენზირება გრძელდება. ჯანდაცვის სამინისტროს მიერ დადგენილი სტანდარტების შესაბამისი აფთიაქი გლდანის №8 და კიდევ 3 საპყრობილეშ ამოქმედდა.

0-დან 6 წლამდე ასაკის ბავშვები სექტემბრიდან უფასო სახელმწიფო დაზღვევას მიიღებენ. ჯანდაცვის მინისტრ ანდრია ურუშაძის განმარტებით, სახელმწიფო საქართველოს მასშტაბით,  სულ 250 000 ბავშვს დააზღვევს. მათთვის ჰოსპიტალური და ამბულატორული მომსახურება უფასო იქნება.

ზუგდიდის ინფექციურ საავადმყოფოში ცოფით ინფიცირებული 47 წლის მამაკაცი მოათავსეს. საავადმყოფოს დირექტორის ინფორმაციით, ინფიცირებულის მდგომარეობა უმძიმესია, მკურნალობას არ ექვემდებარება და მხოლოდ დამამშვიდებლებს აძლევენ.

თბილისში შიდსით გარდაცვალების მორიგი შემთხვევა დაფიქსირდა. აივ-ინფექციით 37 წლის მამაკაცი გარდაიცვალა. შიდსისა და იმუნოლოგიის ცენტრში აცხადებენ, რომ პაციენტს დაავადების ფონზე მწვავე ფაღარათი განუვითარდა, რამაც მისი მდგომარეობა დაამძიმა.

უკიდურესად მძიმეა 62 წლის მამაკაცის ჯანმრთელობის მდგომარეობა. ის დამწვრობის ცენტრში რამდენიმე წუთის წინ მოათავსეს. როინ ნაოჭაშვილმა ხანძრის შედეგად, 70-პროცენტიანი დამწვრობა მიიღო.

შიდსით კიდევ ერთი ადამიანი გარდაიცვალა. ცნობილია, რომ  დაღუპვის მიზეზი დაგვიანებული მკურნალობა გახდა. აივ ინფექციის მატარებელმა მამაკაცმა ექიმს დაავადების ბოლო სტადიაზე მიმართა, რის გამოც პაციენტის გადარჩენა ვეღარ მოხერხდა.