ჯანდაცვა

მარეგულირებელი ორგანო საეჭვო ფარმაცევტულ პროდუქტებს ქსელიდან ამოიღებს

ორშაბათი, 02 აპრ 2012 19:00

საქართველოს შრომის, ჯანმრთელობისა და სოციალური დაცვის სამინისტროს ოფიციალური ვებ-გვერდი ავრცელებს განცხადებას, მარეგულირებელი ორგანოს მიერ ზედამხედველობის შესახებწუნდებული, გაუვარგისებული და ფალსიფიცირებული ფარმაცევტული პროდუქტების ბაზრიდან დროულად ამოღების პროცესზე.

“ჯეონიუსი“ ჯანდაცვის სამინისტროს მიერ გაკეთებულ განცხადებას უცვლელად გთავაზობთ.

“გაცნობებთ, რომ ფარმაცევტული ბაზრის წუნდებული, გაუვარგისებული და ფალსიფიცირებული ფარმაცევტული პროდუქტებისაგან დაცვის მიზნით, გარდა რეგულარულად წარმოებული საკონტროლო ღონისძიებებისა, სამედიცინო საქმიანობის სახელმწიფო რეგულირების სააგენტო აქტიურად არის ჩართული ერთიან საინფორმაციო სისტემაში და რეგულარულად ღებულობს და აწოდებს შეტყობინებებს მსგავსი ტიპის ფაქტების გამოვლენის შესახებ.

მარეგულირებელი ორგანო ახორციელებს ზედამხედველობას წუნდებული, გაუვარგისებული და ფალსიფიცირებული ფარმაცევტული პროდუქტების ბაზრიდან დროულად ამოღების პროცესზე და საჭიროების შემთხვევებში ავრცელებს შესაბამის ინფორმაციას. ხშირ შემთხვევაში პროდუქტის უკან გამოძახების ინიციატორი თავად ეთიკური ნორმების დამცავი კომპანიებია, რომლებიც უზრუნველყოფენ შესაბამის ღონისძიებებს.

ამჟამად, შეტყობინება ეხება კომპანია „ებევე ფარმა"-ს წარმოების ანტინეოპლაზიურ საშუალებას, „კარბოპლატინ-ებევე"-ს, რომლის მონიტორინგის პროგრამის ფარგლებშიც კომპანიამ დააფიქსირა ხილვადი ნაწილაკების წარმოქმნა ვარგისობის ვადის მე-15 -მე 18 თვეებზე. კომპანია იკვლევს სპეციფიკაციიდან ამოვარდნის მიზეზს და გამომწვევი მიზეზის დადგენამდე და მის აღმოფხვრამდე ახორციელებს ბაზარზე არსებული პროდუქციის უკან გამოთხოვას.

აქვე აღვნიშნავთ, „ებევე"-ს წარმოების პრეპარატის დროებით ამოღება ბაზრიდან არ შექმნის მომხმარებლებისთვის პრობლემას, ვინაიდან ქვეყანაში იმპორტირებულია სხვა კომპანიების მიერ წარმოებული შესაბამისი ურთიერთჩანაცვლებადი გენერიკული ფარმაცევტული პროდუქტები.

ასევე გაცნობებთ, რომ სასიცოცხლო ჩვენებისას, შესაძლებელია „ებევე"-ს წარმოების კარბოპლატინის ორგანიზმში შეყვანა სპეციალური ფილტრ-ნემსის გამოყენებით.“

მსგავსი სიახლეები

წლინახევრის ბავშვის გარდაცვალების საქმეზე მე-3 პედიატრიულ კლინიკაში რევიზია ...

საქალაქო სასამართლო თბილისის მე-3 პედიატრიულ კლინიკაში რევიზიის დასაწყებად და დოკუმენტაციის შესასწავლად კომისიას შესაბამის ნებართვას, სავარაუდოდ, დღეს გასცემს.

ნინო მარტოიანის შვილს კლინიკიდან დღეს გაიყვანენ

გარდაცვლილი ნინო მარტოიანის შვილს იაშვილის სახელობის კლინიკიდან, დღეს  გაწერენ. ახალშობილს საავადმყოფოში ყველა საჭირო გამოკვლევა ჩაუტარდა და ამ დროისთვის ბავშვის ჯანმრთელობის მდგომარეობა დამაკმაყოფილებელია.

ირაკლი ნადარეიშვილი მონღოლეთის დელეგაციის წევრებს შეხვდა

საქართველოს შრომის, ჯანმრთლობისა და სოციალური დაცვის მინისტრის მოადგილე ირაკლი ნადარეიშვილი, სოციალური მომსახურების სააგენტოს ძველი თბილისის სოციალური მომსახურების ცენტრში, საქართველოში ოფიციალური ვიზიტით მყოფ მონღოლეთის დელეგაციის წევრებს შეხვდა.

ანდრია ურუშაძე დღეს ოზურგეთს ეწვია

ჯანდაცვის მინისტრი ანდრია ურუშაძე, დრეს ოზურგეთს ეწვია და იქ მშენებარე საავადმყოფო დაათვალიერა. ცნობილია, რომ აღნიშნული საავადმყოფოს მშენებლობა წლის ბოლომდე უნდა დასრულდეს და ის 50 საწოლზე იქნება გათვლილი.

კატასტროფის ცენტრმა დედოფლისწყაროდან თბილისში 62 წლის მამაკაცი გადაიყვანა

კატასტროფის ცენტრიკატასტროფის ცენტრის ბრიგადამ დედოფლისწყაროდან თბილისში 62 წლის მამაკაცი გადაიყვანა. იგი თავისსავე  ეზოში ხიდან ჩამოვარდა. როგორც დედოფლისწყაროს სასწრაფო–სამედიცინო დახმარების სამსახურის უფროსმა ხათუნა ზურიკაშვილმა  განაცხადა, პაციენტის მდგომარეობა იმდენად მძიმე იყო, ადგილზე მკურნალობა შეუძლებელი გახდა.

ოკუპანტების მიერ დაჭრილი გიორგი ლომსაძე ანდრია ურუშაძემ მოინახულა ...

რუსი ოკუპანტების მიერ დაჭრილი გიორგი ლომსაძე ჯანმრთელობისა და სოციალური უზრუნველყოფის მინისტრმა ანდრია ურუშაძემ მოინახულა. მისი თქმით ახალგაზრდის მკურნალობის ხარჯს მთლიანად სახელმწიფო დაფარავს.

ფოტოკოლაჟი