განათლება

საჯარო სკოლების დირექტორობის მსურველთა ტესტირება დასრულდა

სამშაბათი, 05 აპრ 2011 08:00

საჯარო სკოლების დირექტორთა შესარჩევი კონკურსის პირველი ეტაპი დასრულდა. აღნიშნულთან დაკავშირებით, განათლებისა და მეცნიერების მინისტრის პირველმა მოადგილემ კოკა სეფერთელაძემ და სამინისტროს მასწავლებელთა პროფესიული განვითარების ეროვნული ცენტრის დირექტორმა გია მამულაშვილმან ბრიფინგი გამართეს.

კონკურსის პირველი ეტაპი კომპიუტერული პროგრამის საშუალებით საქართველოში პირველად ჩატარდა. თითოეულმა მონაწილემ ინდივიდუალური ტესტი შეავსო. დირექტორობის მსურველებმა კითხვებს რამდენიმე მიმართულებით უპასუხეს: საკანონმდებლო ბაზა, სასწავლო პროცესის ორგანიზება და შეფასება სასწავლო გეგმის მიხედვით, სკოლის ფინანსური მართვა, ლოგიკური მსჯელობა და ადამიანური რესურსების მენეჯმენტი.
შეგახსენბეთ, რომ საჯარო სკოლების დირექტორთა შესარჩევი კონკურსი ორეტაპიანია. კომპიუტერიზირებული ტესტირების შედეგები 15 აპრილს გამოცხადდება, რის შემდეგაც მეორე ეტაპზე გასული კონკურსანტები გასაუბრებას გაივლიან.

მსგავსი სიახლეები

სტუდენტები სხვადასხვა სასწავლებლებში გადაანაწილეს

თბილისის დავით აღმაშენებლის სახელობის უნივერსიტეტის სტუდენტები განათლების სამინისტრომ ი. ჯავახიშვილის სახელობის თბილისის სახელმწიფო უნივერსიტეტში, ილიასა და ტექნიკურ უნივერსიტეტებში გადაანაწილა.

ლაშა გოცირიძე დუშეთში მეთორმეტე კლასელებს შეხვდა

აბიტურიენტები, რომლებიც პირველ ნომრად აგრარულ უნივერსიტეტს მიუთითებენ ორი თვის განმავლობაში უნივერსიტეტის სასწავლო ცენტრში უფასოდ მოემზადებიან. აღნიშნული ინიციატივა დღეს აგრარული უნივერსიტეტის რექტორმა ლაშა გოცირიძემ დუშეთის რაიონის საჯარო სკოლაში ვიზიტისას, მეთორმეტე კლასის მოსწავლეებს გააცნო.

მანდატურები დარღვევის ფურცელს ელექტრონულად შეავსებენ

ახალი სასწავლო წლიდან ყველა მოქმედი მანდატური სკოლებში სხვადასხვა სახის დარღვევების აღრიცხვის ფურცელს ელექტრონულად შეავსებს. დარღვევის თითოეული ფაქტი კომპიუტერში დაფიქსირდება და სასწავლო დაწესებულების მანდატურის სამსახურს ელექტრონულად გადაეცემა.

დიმიტრი შაშკინმა იტალიელ ექსპერტს განათლების სფეროში მიმდინარე რეფორმები ...

საქართველოში იმყოფება ცნობილი იტალიელი ექსპერტი და სამრეწველო დიზაინერი, დოქტორი ჯან კარლო პერინი. მისი ვიზიტის მიზანია საქართველოს უმაღლესი განათლებისა და მეცნიერების სისტემის გაცნობა, გამოცდილების გაზიარება და მომავალი თანამშრომლობის ფორმატის განსაზღვრა.

ევროკავშირის სადამკვირვებლო მისიის წარმომადგენლები დღეს თსუ-ს ეწვევიან

თბილისის სახელმწიფო უნივერსიტეტის კონფლიქტების ანალიზისა და მართვის ინსტიტუტს ევროკავშირის სადამკვირვებლო მისიის წარმომადგენლები ეწვევიან. აღნიშნულის შესახებ "ჯეონიუსს" თსუ-დან აცნობეს.

ერთიანო ერვნული გამოცდები დღეს დაიწყო

სრულიად საქართველოს მაშტაბით დღეს ერთიანი ეროვნული გამოცდები დაიწო. დღეს 12 ქალაქში 17 საგამოცდო ცენტრი გაიხსნა. წელს, საგამოცდო ცენტრებში 850-მდე ვიდეოთვალი დამონტაჟდა და 9000-ზე მეტი ახალი მერხით აღიჭურვა.

ფოტოკოლაჟი