განათლება

სხვადასხვა რეგიონში ცხრა ახალი საჯარო სკოლა აშენდება

ოთხშაბათი, 11 სექ 2013 14:33

საქართველოს განათლებისა და მეცნიერების სამინისტრომ საქართველოს სხვადასხვა რეგიონში ახალი საჯარო სკოლების აშენების გადაწყვეტილება მიიღო. საგანმანათლებლო და სამეცნიერო ინფრასტრუქტურის განვითარების სააგენტოს ჩართულობით, ცხრა ახალი საჯარო სკოლა შემდეგ სოფლებში აშენდება: საგარეჯოს რაიონის სოფელ ლამბალოში სკოლა 1000 მოსწავლეზე; ქარელის რაიონის სოფელ აბანოში სკოლა 90 მოსწავლეზე; თეთრიწყაროს რაიონის სოფელ სამღერეთში სკოლა 144 მოსწავლეზე; ზესტაფონის რაიონის სოფელ სადგურ სვირში სკოლა 120 მოსწავლეზე; მარნეულის რაიონის სოფელ ახალ დიოკნისში სკოლა 144 მოსწავლეზე; მცხეთის რაიონის სოფელ მუხრანში სკოლა 240 მოსწავლეზე; ჩოხატაურის რაიონის სოფელ წიფნარში სკოლა 60 მოსწავლეზე; მცხეთის რაიონის სოფელ წილკანში სკოლა 450 მოსწავლეზე; ახალქალაქის რაიონის სოფელ ბუღაშენში სკოლა 120 მოსწავლეზე.

საქართველოს განათლებისა და მეცნიერების მინისტრმა თამარ სანიკიძემ და სამინისტროს საგანმანათლებლო და სამეცნიერო ინფრასტრუქტურის განვითარების სააგენტოს დირექტორმა გიგა უმეკაშვილმა დღეს, უკვე გაწეული სამუშოები შეაჯამეს და სამშენებლო პროცესებთან დაკავშირებული შემდგომი ეტაპები განსაზღვრეს.

ამ ეტაპზე დასრულებულია სამი სოფლის ლამბალოს, სამღერეთისა და ახალი დიოკნისის საჯარო სკოლების საპროექტო სამუშაოები, ასევე პროცესშია საპროექტო და მოსამზადებელი სამუშაოები დანარჩენ ექვს სკოლაში.

სამშენებლო სამუშაოების დაწყება 2013 წლის ნოემბრის ბოლოდან იგეგმება და საშუალოდ ერთ წელს გაგრძელდება.

გეგმის თანახმად, წილკნის, მუხრანისა და აბანოს საჯარო სკოლები კონტიგენტს უკვე მომავალი სასწავლო წლიდან მიიღებენ. ხოლო 2014 წლის ბოლოს დასრულდება ბუღაშენის, ახალი დიოკნისის, სამღერეთის, სადგურ სვირისა და წიფნარის საჯარო სკოლების მშენებლობაც. რაც შეეხება სოფელ ლამბალოს საჯარო სკოლას, პროექტის მასშტაბიდან გამომდინარე, სამუშაოები წელიწადნახევარს გასტანს.

სამინისტრო აღნიშნულ სამოქმედო გეგმებს ცხრავე სოფლის მოსახლეობას ადგილზე გააცნობს.

განათლებისა და მეცნიერების სამინისტრო მომავალ წელსაც გააგრძელებს ახალი სკოლების მშენებლობის გადაუდებელი საჭიროებების განსაზღვრას.

მსგავსი სიახლეები

პროფესორ გია ბარამიძის გათავისუფლებას სტუდენტების პროტესტი მოჰყვა

სრული პროფესორი გია ბარამიძე თბილისის სახელმწიფო უნივერსიტეტიდან გაათავისუფლეს, მის ადგილს, როგორც ცნობილი გახდა, ქართველთა მაგინებელი  მამუკა დოლიძე დაიკავებს, - ამის შესახებ "ჯეონიუსს" უნივერსიტეტის სტუდენტური გაზეთის "ლიტერატურული 

თსუ-სა და ინდოეთის საელჩოს კულტურულ ურთიერთობათა საბჭოს შორის ...

ივ. ჯავახიშვილის სახელობის სახელმწიფო უნივერსიტეტსა და საქართველოში ინდოეთის საელჩოს კულტურულ ურთიერთობათა საბჭოს შორის ურთიერთანამშრომლობის მემორანდუმი გაფორმდება.

დიმიტრი შაშკინი სკოლის დირექტორებს შეხვდა

საქარათველოს განათლების მინისტრი დიმიტრი შაშკინი მასწავლებლის სახლში თბილისის, ქუთაისისა და ბათუმის საჯარო სკოლების დირექტორებს შეხვდა. შეხვედრის მთავარი თემა პირველკლასელთა რეგისტრაცია, საატესტატო გამოცდები და არდადეგების პერიოდში სკოლების რეაბილიტაცია იყო.

კოკა სეფერთელაძე თსუ-ს სტუდენტებს სახელმწიფო პროგრამას წარუდგენს

საქართველოს განათლებისა და მეცნიერების მინისტრის პირველი მოადგილე კოკა სეფერთელაძე თსუ-ს ჰუმანიტარულ და ზუსტ და საბუნებისმეტყველო მეცნიერებათა ფაკულტეტების ბაკალავრიატისა და მაგისტრატურის დამამთავრებელი სემესტრის სტუდენტებს სახელმწიფო პროგრამას "ქართული ენა მომავალი წარმატებისათვის"  წარუდგენს, პროგრამა  ქვემო ქართლის, სამცხე–ჯავახეთისა და კახეთის რეგიონების არაქართულენოვან სკოლებში საგნების ქართულ ენაზე ადგილობრივ მასწავლებლებთან ერთად სწავლებას გულისხმობს.

ეთნიკური უმცირესობების წარმომადგენლები უნარების გამოცდას მშობლიურ ენაზე ჩააბარებენ

საქართველოს პრეზიდენტის მიხეილ სააკაშვილის მიერ ინიცირებული პროგრამა, რომელიც ეთნიკური უმცირესობებისთვის უმაღლესი განათლების მიღების წახალისებას გულისხმობს,  გრძელდება.

მსოფლიო დღეს მასწავლებელთა დღეს აღნიშნავს

მსოფლიო დღეს მასწავლებელთა დღეს აღნიშნავს. საერთაშორისო დღესასწაულს აჭარის განათლების, კულტურისა და სპორტის სამინისტროც შეუერთდა და ეს კვირა მასწავლებელთა კვირეულად გამოაცხადა.

ფოტოკოლაჟი