განათლება

ოქტომბრის პირველ ნახევარში გამოსაშვები გამოცდები 4 საგანში ჩატარდება

ორშაბათი, 26 აგვ 2013 19:40

2013-2014 სასწავლო წელს მეთორმეტე კლასის მოსწავლეები გამოსაშვებ გამოცდებს 4 საგანში (ფიზიკა, ქიმია, ბიოლოგია, გეოგრაფია) ჩააბარებენ ოქტომბრის პირველ ნახევარში. გამოცდების ეროვნული ცენტრის ინფორმაციით, იმ მოსწავლეებს, რომლებიც ოქტომბერში ვერ გადალახავენ ზღვარს რომელიმე გამოცდაში (ან ვერ გამოცხადდებიან გამოცდაზე), შესაძლებლობა ექნებათ შესაბამისი საგანი წლის ბოლოს, ჩააბარონ დანარჩენ 4 გამოცდასთან (ქართული ენა და ლიტერატურა, უცხოური ენა, მათემატიკა, ისტორია) ერთად.

2013-2014 სასწავლო წლიდან გამოსაშვები გამოცდები მე-11 და მე-12 კლასებში ტარდება. მე-11 კლასის მოსწავლეები სასწავლო წლის ბოლოს ფიზიკის, ქიმიის, ბიოლოგიისა და გეოგრაფიის გამოცდას ჩააბარებენ (აღნიშნული სქემა გაცილებით მოსახერხებელია მოსწავლეთათვის, რადგან ისინი იმ 4 გამოცდას, რომელთა სწავლაც მე-11 კლასში სრულდება, იმავე სასწავლო წლის ბოლოს ჩააბარებენ, ხოლო დანარჩენ 4 საგანს კი - მე-12 კლასის ბოლოს).

მსგავსი სიახლეები

გამოსაშვები გამოცდები 21 მაისს დაიწყება

საქართველოს განათლებისა და მეცნიერების მინისტრმა დიმიტრი შაშკინმა საატესტატო გამოცდების დაწყების თარიღი თბილისის 82-ე საჯარო სკოლის მეთორმეტეკლასელებთან შეხვედრაზე გააჟღერა - 2011-2012 სასწავლო წლის გამოსაშვები გამოცდები 21 მაისს დაიწყება.

აბიტურიენტების განმეორებითი განცხადებების მიღება იწყება

დღეს,  აბიტურიენტების განმეორებითი განცხადებების მიღება იწყება. განათლებისა და მეცნირებეის სამინისტროს ინფორმაციით,

მასწავლებელთა გამოცდების online რეგისტრაცია დასრულდა

მასწავლებელთა სასერტიფიკატო, ერთიან ეროვნულ, საატესტატო და სამაგისტრო გამოცდებზე online რეგისტრაციის პროცესი დასრულდა. სასერტიფიკატო გამოცდებზე 41 000 მსურველი დარეგისტრირდა.

გოგებაშვილის სახელმწიფო უნივერსიტეტმა სწავლა განაახლა

თელავის იაკობ გოგებაშვილის სახელობის სახელმწიფო უნივერსიტეტმა დღეს სწავლა განაახლა. ახალი სასწავლო წელი პირველკურსელებს უნივერსიტეტის რექტორმა თინათინ ჯავახიშვილმა მიულოცა და სასწავლო პროგრამების შესახებ ისაუბრა.

კოკა სეფერთელაძემ მუხურში ახალი სკოლა გახსნა

საქართველოს განათლების მინისტრის პირველმა მოადგილემ კოკა სეფერთელაძემ, იმერეთის გუბერნატორმა ლაშა მაქაცარიამ და ტყიბულის რაიონის მაჟორიტარმა დეპუტატმა პალიკო კუბლაშვილმა სოფელ მუხურაში საერთაშორისო სტანდარტების შესაბამისი ახლადაშენებული საბაზო სკოლა გახსნეს.

ტექნიკური უნივერსიტეტის სტუდენტები ბიუჯეტში არსებულ დარღვევებს აპროტესტებენ

დამოუკიდებელ სტუდენტთა ასოციაცია და საქართველოს ტექნიკური უნივერსიტეტის სტუდენტები აპროტესტებენ "სტუ"–ს 2011 წლის ბიუჯეტში არსებულ დარღვევებს. მათ მიაჩნიათ, რომ ეს პირდაპირ კავშირშია სტუდენტების მომავალთან და უნდა დადგეს პასუხისმგებლობა იმ პირების, რომლებმაც გაწერეს ბიუჯეტი.

ფოტოკოლაჟი