სამართალი

სამხარაულის ექსპერტიზის ეროვნული ბიუროს ექსპერტი ქრთამის აღებისთვის დააკავეს

პარასკევი, 06 სექ 2013 17:23

საქართველოს შინაგან საქმეთა სამინისტროს ანტიკორუფციული სააგენტოს თანამშრომლებმა, ჩატარებული ოპერატიულ-სამძებრო და საგამოძიებო მოქმედებების შედეგად, ქრთამის აღების ფაქტზე სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“ სასამართლო-სამედიცინო ექსპერტი, 1955 წელს დაბადებული მალხაზ მიტიჩაშვილი დააკავეს.

გამოძიებამ დაადგინა, რომ მალხაზ მიტიჩაშვილმა თურქეთის რესპუბლიკაში ავტოსაგზაო შემთხვევის შედეგად დაზარალებული მოქალაქის წარმომადგენელს, სამსახურებრივი მდგომარეობისა და მისი თანამდებობრივი ავტორიტეტის გამოყენებით, გარკვეული ანაზღაურების სანაცვლოდ, დაზარალებულისთვის ჯანმრთელობის მდგომარეობის შესახებ დამძიმებული სამედიცინო დასკვნის დაჩქარებულ ვადებში გაცემას დაპირდა, რისთვისაც მან ქრთამის სახით მოითხოვა და აიღო 4000 აშშ დოლარი.

მალხაზ მიტიჩაშვილი ამჟამად დაკავებულია.

გამოძიება ქრთამის აღების ფაქტზე მიმდინარეობს (სსსკ-ის 338-ე მუხლის 1-ლი ნაწილით), რაც სასჯელის სახით ითვალისწინებს თავისუფლების აღკვეთას ვადით 6-დან 9 წლამდე. გამოძებას შსს-ს ანტიკორუფციული სააგენტო აწარმოებს.

მსგავსი სიახლეები

ზაქარია ქუცნაშვილი უზენაესი სასამართლოს თავმჯდომარეობისთვის იბრძოლებს

11-მა წამყვანმა აკადემიურმა და საზოგადოებრივმა ორგანიზაციამ დამასახელა უზენაესი სასმართლოს თავმჯდომარეობის კანდიდატად. მე ამ წარდგენას ვიღებ,-  აღნიშნული განცხადება უზენაესი

შს მინისტრმა საგანგებო სიტუაციების მართვის დეპარტამენტი მოინახულა

საქართველოს შინაგან საქმეთა მინისტრი, ირაკლი ღარიბაშვილი თბილისის ზღვის მიმდებარე ტერიტორიაზე მდებარე შსს-ს საგანგებო სიტუაციების მართვის დეპარტამენტის სამაშველო მომზადებისა და რეაგირების სამმართველოს ბაზას ეწვია.

ვლადიმერ ბედუკაძე: ბაჩო ახალაია და მისი ხელქვეითები პარასკევ ...

"ბაჩო ახალაია და მისი ხელქვეითები წელიწადში 200-ზე მეტ "სისხლიან პარასკევს" აწყობდნენ". ამის შესახებ ბრიუსელში მყოფმა ვლადიმერ ბედუკაძემ მედიაკავშირ “ობიექტივის” პირდაპირ ეთერში განაცხადა.

ანტონ ადუაშვილის მკვლელობის საქმეში სოსო პავლიაშვილი ბრალდებული არ ...

სოსო პავლიაშვილი ანტონ ადუაშვილის მკვლელობის ფაქტზე ბრალდებულად ცნობილი არ არის, თუმცა საქმეში არის მტკიცებულებები, რომლის მიხედვითაც მისი გვარი დღევანდელ სასამართლო პროცესზეც გაიჟღერებს, - ამის შესახებ ქალაქის პროკურორმა, ნინო აღლემაშვილმა განაცხადა.

მოსკოვში კანონიერი ქურდი კობა ცერცვაძე დააკავეს

მოსკოვში სამართალ-დამცველებმა ეგრეთწოდებული კანონიერი ქურდი კობა ცერცვაძე დააკავეს. 39 წლის ცერცვაძე, რომელიც კობა ბაგრატსკის სახელით არის ცნობილი, სამი დღის წინ გამოვიდა მაგადანის ოლქის ნომერ მესამე გამოსასწორებელი კოლონიიდან, სადაც 2009 წლიდან სასჯელს ნარკოტიკული ნივთიერება ჰეროინის შენახვისთვის იხდიდა.

„ცხოვრება გრძელდება“ - მსჯავრდებულების ნამუშევრები ფართო საზოგადოებისთვის გამოიფინა

24 ოქტომბერს სამების საკათედრო ტაძრის ახალგაზრდული ცენტრის საგამოფენო დარბაზში მსჯავრდებულთა ნამუშევრების გამოფენა, სახელწოდებით „ცხოვრება გრძელდება“ გაიმართა.

ფოტოკოლაჟი