საზოგადოება

შსს-ს მომსახურების სააგენტო მართვის მოწმობის აღების მსურველებს სიახლეებს სთავაზობს

ოთხშაბათი, 16 ოქტ 2013 17:27

შინაგან საქმეთა სამინისტროს მომსახურეობის სააგენტო მართვის მოწმობის აღების მსურველებს სიახლეებს სთავაზობს. სამინისტროს ინფორმაციით, წლის ბოლოს მათ შესაძლებლობა ექნებათ მართვის მოწმობის მისაღებად, თეორიული გამოცდის ჩაბარების  შემდეგ ჩააბარონ პრაქტიკული გამოცდა, როგორც ავტომატური, ისე მექანიკური გადაცემათა კოლოფის მქონე სატრანსპორტო საშუალებებზე. აღნიშნულ საკითხზე დღეს შს სამინისტროს მომსახურების სააგენტოს ხელმძღვანელმა ნინო კობახიძემ დეტალურად ისაუბრა.

მისივე თქმით, ის პირები, ვინც გამოცდას ჩააბარებენ ავტომატური გადაცემათა კოლოფის მქონე სატრანსპორტო საშუალებაზე, უფლება ექნებათ მართონ მხოლოდ ავტომატური გადაცემის კოლოფის მქონე ავტომობილი, ხოლო იმ შემთხვევაში, თუ გამოცდას მექანიკურ გადაცემათა კოლოფის მქონე სატრანსპორტო საშუალებაზე ჩააბარებს, მოქალაქეს უფლება აქვს მართოს როგორც ავტომატური, ასევე მექანიკური გადაცემათა კოლოფის მქონე ავტომობილი.

ასევე, ტექნიკური ჯგუფი მუშაობს შექმნას მობილური აპლიკაცია IOS და Android-ის პლატფორმებისათვის, რაც საშუალებას მისცემს მომხმარებელს მოიძიოს ნებისმიერ ადგილას მართვის მოწმობის მისაღები თეორიულ გამოცდისთვის საჭირო პროგრამა და ტესტები, დაჯავშნოს თეორიული გამოცდისთვის თარიღი და დრო. ამასთან, აღნიშნული აპლიკაცია იმუშავებს არა online, არამედ off-line რეჟიმში.

ნინო კობახიძის განცხადებით, სააგენტო სისხლის ბანკთან ერთად იწყებს პროექტს, რომლის თანახმად სატრანსპორტო საშუალების მართვის მოწმობაში მითითებული იქნება მისი მფლობელის სისხლის ჯგუფი და რეზუსი. ამასთან, სისხლის ბანკის თანადგომით მომსახურების სააგენტოს ტერიტორიაზე განთავსდება ლაბორატორია, სადაც მსურველს საშუალება ეძლევა ადგილზე ჩაიტაროს აღნიშნული კვლევა და აღნიშნულ პირებს დონორობის შემთხვევაში (250 გრ) შესაძლებლობა ეძლევათ სრულიად უფასოდ ჩაიტარონ გამოკვლევა 4 სახის ვირუსზე. სისხლის ჯგუფის და რეზუსის აღნიშვნა ამ ეტაპზე ატარებს ნებაყოფლობით ხასიათს და მოხდება ექიმის მიერ გაცემული სისხლის ჯგუფის შესახებ ცნობის ან ადგილზე (სააგენტოში) ჩატარებული კვლევის საფუძველზე

მომსახურების სააგენტო განათლებისა და მეცნიერების სამინისტროსთან ერთად გეგმავს საგნის „საგზაო ნიშნები და მოძრაობის უსაფრთხოება“ სწავლებას მაღალ კლასებში, ამ ეტაპზე აღნიშნული საგანი უკვე ისწავლება სკოლებში, მაგრამ ატარებს ნებაყოფლობით ხასიათს, პროექტის ფარგლებში საგნის სწავლებას გახდება სავალდებულო, რათა თითოეულ მოქალაქეს ჰქონდეს ზოგადი ცოდნა საგზაო მოძრაობის ნიშნებისა და მოძრაობის უსაფრთხოების წესების შესახებ.

 

 

მსგავსი სიახლეები

საქართველოს მთებში დაკარგულ ორ რუს ტურისტს ეძებენ

საქართველოს მთებში ორი რუსი ტურისტი დაიკარგა. როსტოველი 30 წლის ვიკა ბუშაევა და 36 წლის ანდრეი სიდოროვი უშბას დასაპყრობად 31 აგვისტოს გაემართნენ და  6 სექტემბერს უკან უნდა დაბრუნებულიყვნენ, თუმცა ამ დრომდე კავშირზე არ გამოსულან. 

რეგიონალური ტელევიზიებისთვის საავტორო უფლებებით სარგებლობის ახალი ტარიფები დაწესდება

"ავტორთა საზოგადოების" თავჯდომარე და "საქპატენტის" ხელმძღვანელი დღეს რეგიონალური ტელევიიზიების მმართველებს შეხვდენ. მათ სატარიფო პოლიტიკის რეფორმაზე ისაუბრეს.

ლაშა ტუღუში სახელმწიფო სტრუქტურებს კანონით დადგენილი ნორმების დარღვევაში ...

გაზეთ "რეზონანსის" მთავარი რედაქტორი ლაშა ტუღუში სახელმწიფო სტრუქტურებს კანონით დადგენილი ნორმების დარღვევაში ადანაშაულებს.

„თბილისი მოლში“ აქცია კონკურსი „არა ომს“ გაიმართება

14 სექტემბერს, 13.00 საათზე „თბილისი მოლში“ გაიმართება სამხატვრო აქცია კონკურსი „არა ომს“, რომელშიც მონაწილეობას ჟურნალისტების შვილების მიღებენ.

სინოპტიკოსები საქართველოში მკვეთრ აცივებას და ყინვას ვარაუდობენ

გარემოს დაცვის სამინისტროს სსიპ გარემოს ეროვნული სააგენტოს ჰიდრომეტეო-როლოგიის დეპარტამენტის ცნობით, 17 მარტიდან საქართველოს ტერიტორიაზე გავრცელებას იწყებს ევროპის ტერიტორიაზე ჩამოყალიბებული ცივი და ნოტიო ჰაერის მასები.

თუ ვერ ჯდები სუბორდინაციულ ვერტიკალში, წადი სახლში - ...

"რუსთავი 2"-ის გენერალური დირექტორი ნიკა გვარამია  კულტურის მინისტრის გურამ ოდიშარიას   გადაწყვეტილებას, რომელიც  მისი მოადგილის  მარინე მიზანდარის თანამდებობიდან გადაყენებას ეხება, დადებითად აფასებს.

ფოტოკოლაჟი